Ходжиметов Оқил Ниғмонович 70 ёшга тўлди
"Дори-Дармон" акциядорлик компанияси Бошқарув раисининг маслаҳатчиси Ходжиметов Оқил Ниғмонович 70 ёшга тўлди.
Оқил Ходжиметов 1955 йилда Тошкент шаҳрида туғилган. 1977 йилда Тошкент фармацевтика институтини, 1997 йилда Тошкент молия институтини сиртқи бўлимини тамомлаган. Мутахассислиги провизор-иқтисодчи.
Меҳнат фаолиятини 1977 йилда Жиззах вилояти Мирзачўл туманидаги 536-сонли дорихонанинг рецептор-назоратчи лавозимидан бошлаган.
48 йиллик меҳнат фаолияти давомида дорихона провизори, Дорихоналар Бош бошқармасининг “Лекрапромхоз” совхозида техник, цех бошлиғининг муовини, цех бошлиғи, бўлим мудири, Дорихоналар Бош бошқармасининг назорат-тафтиш бўлими тафтишчиси, Соғлиқни сақлаш вазирлигининг хўжалик ташкилотлари бўйича назорат-тафтиш бўлими тафтишчиси, Молия вазирлигининг назорат тафтиш Бош бошкармаси тафтишчиси, “Медик” аудит фирмасининг бош мутахассиси, 1998-1999 йилларда “Дори-Дармон” Давлат Акциядорлик уюшмаси бошқарув раисининг ўринбосари, 1999-2000 йилларда “Дори-Дармон” Давлат акциядорлик уюшмаси бошқарув раисининг биринчи ўринбосари, 2000-2002 йилларда Сурхондарё вилояти “Дори-Дармон” акциядорлик жамиятининг бошқарув раиси, 2002-2008 йилларда “Дори-Дармон” акциядорлик компанияси бошқарув раисининг ўринбосари, 2008-2015 йилларда “Дори-Дармон” Акциядорлик компанияси фармацевтик ички назорат Департаментининг раҳбари, 2015-2019 йилларда “Дори-Дармон” Акциядорлик компанияси фармацевтик ички назорат бошқармаси раҳбари сифатида фаолият кўрсатган.
2021 йилдан буён Бошқарув раиси маслаҳатчиси вазифасида фаолият кўрсатмоқда.
Фармацевтика соҳасида кучли билимга ва ҳаётий тажрибага эга Оқил Ходжиметов бир қатор меъёрий ҳужжатларни тайёрлашда бевосита иштирок этган. Бундан ташқари, 48 йиллик фаолияти давомида кўплаб шогирдлар етиштирган. Улар ҳозирда хусусий ва давлат муассасаларида мутахассислик ва раҳбарлик лавозимларида иш олиб боришмоқда.
Самарали меҳнати ва касбга садоқати сабаб устоз фармацевт “Ўзбекистон мустақиллигининг 10 йиллиги” эсдалик нишони билан тақдирланган.
Ходжиметов Оқил Ниғмонович қутлуғ ёшингиз муборак бўлсин. Доимо шогирдлар ардоғида, фармацевтика ривожи учун хизмат қилишдан толманг. Шахсий ҳаётингизда бахт, соғлик-саломатлик, тинчлик-хотиржамлик, фаолиятингизда омад ва зафарлар тилаймиз!
"Дори-Дармон" АК жамоаси
