Унда ЖССТнинг Шарқий Ўрта ер денгизи минтақасида муомалада бўлган препаратлар таркибида сохталаштирилган “USP/EP propylene glycol” моддаси борлиги маълум қилинди.

Ҳақиқий propylene glycol фармацевтика маҳсулотларини ишлаб чиқаришда ёрдамчи хом ашё сифатида фойдаланиш учун мўлжалланган ва Aмерика Қўшма Штатлари Фармакопеяси ва Европа Фармакопеяси (USP/EP) дори формулаларида фойдаланиш учун материалларга қўлланиладиган стандартларга жавоб беради.

Хабарда айтилишича, Покистоннинг Дори воситаларини тартибга солиш органи (DRAP) томонидан оғиз орқали юбориладиган суюқ дори воситаларининг потенциал ифлосланиш ҳолати ўрганилганда, уларнинг таркибида ("Доw" компаниясига тегишли) қалбакилаштирилган пропиленгликол моддаси бўлган шубҳали ўрамлар аниқланган ҳамда намуналар Покистон марказий лабораторияси томонидан текширилган.Т аҳлил намуналарда қабул қилиб бўлмайдиган даражада этиленгликол ифлосланиши юқори консентрацияда (0,76% дан 100% гача) мавжудлигини аниқлашга имкон берди. DRAP 2024 йил январ ва март ойлари орасида бешта ифлосланган партияни аниқлаш бўйича учта огоҳлантириш берди.

Ўз навбатида "DОW" компанияси ЖССТ огоҳлантирган хомашё сохта эканлигини ва бу моддалар компания томонидан ишлаб чиқарилмаганлигини тасдиқлади.

Фармацевтика маҳсулотлари хавфсизлиги маркази, ҳозирги кунда тоза ҳолда ва дори воситалари таркибида ёрдамчи модда сифатида қўлланиладиган пропиленгликол, глицерин, сорбитол, полиэтиленгликол, макрагол ва бошқа гликоллар таркибида ёт модда сифатида учрайдиган ЭГ ва ДЭГларни аниқлаш бўйича ОФС 42 Уз-0015-5346-2023-сон “Определение подлинности и количества этиленгликоля и диэтиленгликоля в лекарственных препаратах” умумий фармакопея мақоласи тасдиқланиб амалиётга жорий этилганлигини маълум қилган.

Шунингдек, 2023 йил феврал ойидан бошлаб, юртимизда ишлаб чиқарилаётган ва мамлакатимизга кириб келаётган сироп шаклдаги дори воситалари таркиби диэтиленгликол (ДЭГ) ва этиленгликол (ЭГ) моддалари бўйича чуқур текширилиб, Соғлиқни сақлаш вазирлиги томонидан бу борада қатъий назорат ўрнатилган.