Ру O’z Ўзб Eng
+998 71 228-06-96

+998 78 120-16-61

1002
Ру Ўзб O'z En
not found
Кенгайтирилган қидирув

    АК "Dori - Darmon" -
    бизга ишонч билдирар ёшу-қари!

    not found

    Бизнинг вазифамиз - арзон ва хавфсиз дори-дармонлардир

    not found
    not found
    not found
    not found

    Интерактив хизматлар

    Хизматни танланг

    not found

    Бўш иш ўринлари
    not found

    Мурожатлар статистикаси (IVR тизими)
    not found

    Жисмоний ва юридик шахсларнинг мурожатлари

    Янгиликлар

    Компаниямиз янгиликларини кузатиб боринг!

    Барчаси
    not found

    1-тоифа диабет учун янги даволаш усули топилди

    Олимлар 1-тоифа диабетни илдиз ҳужайралари ёрдамида даволашнинг инқилобий усулининг биринчи муваффақиятлари ҳақида хабар беришди. 12 бемор иштирок этган клиник тадкикотда уларнинг аксарияти даволанишдан кейин 12 ой ўтиб, аҳволи сезиларли даражада яхшиланган, фақат иккитаси инсулин қабул қилишни давом этган. Тадқиқот New England Journal of Medicine журналида чоп этилди. 1-тоифа диабет - бу отоиммун касаллик бўлиб, унда иммунитет тизими инсулин ишлаб чиқарадиган ошқозон ости бези ҳужайраларини йўқ қилади. Ушбу касалликка чалинган одамлар ҳаёти давомида инсулин инъекциялари билан қондаги қанд миқдорини назорат қилишлари керак, бу эса инсулин етишмовчилиги туфайли гипогликемия ва органларнинг шикастланиши хавфини келтириб чиқаради. Жарроҳ Тревр Рейхман бошчилигидаги Торонто университети тадқиқотчилари беморларга инсон илдиз ҳужайраларидан олинган изоляцияланган оролча ҳужайраларини киритишди. Шу билан бирга, беморларга иммуносупрессив даволаш ўтказилди. Беморларнинг танасида янги ҳужайралар мустақил равишда хавфсиз миқдорда инсулин ишлаб чиқаришни бошлади, бу эса инъекцияга бўлган эҳтиёжни камайтиради. Тадқиқот муаллифларининг таъкидлашича, ножўя таъсирлар асосан иммуносупрессия билан боғлиқ. Терапия билан бевосита боғлиқ бўлмаган иккита ҳалокатли ҳолатга қарамай, у хавфсиз деб топилган ва тадқиқот ҳозирда 3-босқичда давом этмоқда.

    • 25 Июнь, 14:49
    • Батафсил
    not found

    Катаракта: олдини олиш ва ривожланишини секинлаштириш мумкин

    Катаракта дунёда кўрликнинг асосий сабаби бўлиб, сўнгги 20 йил ичида бу ҳолатлар 30% га ошган. Жарроҳлик катарактани даволашнинг асосий усули ҳисобланади, аммо тадқиқотчилар тўғри овқатланиш касалликни олдини олиш, ривожланиш даражаси ва оғирлиги, шунингдек, иккиламчи катарактнинг ривожланишига сезиларли таъсир этишини қайд этди. Катаракта шаклланиши маълум омиллар билан чамбарчас боғлиқ: беморларнинг ёши, ультрабинафша нурларнинг таъсири ҳамда диабет, гипертенония ва сурункали буйрак касаллиги каби бирга келадиган касалликларнинг мавжудлиги. Жарроҳлик усули билан даволаш туфайли катаракта оқибатида келиб чиқадиган кўрлик ҳолатлари камайганига қарамай, статистик таҳлиллар сўнгги йигирма йил ичида катаракта билан касалланиш ҳолатлари деярли 30% га ошганини кўрсатади. Шунингдек, катаракта бошланишини 10 йилга кечиктириш касалланиш даражасини 2 баробарга камайтириши тахмин қилинмоқда. Жарроҳлик катарактани даволашнинг асосий усули ҳисобланади, аммо баъзи беморлар операциядан кейин иккиламчи катаракта ривожланади. Бунинг олдини олишда турмуш тарзини ўзгартириш, шу жумладан тўғри овқатланиш муҳим рол ўйнаши мумкин. Тартибсиз овқатланиш катарактанинг ривожланиш частотаси ва оғирлигига, шунингдек, иккиламчи катарактнинг ривожланишига билвосита таъсир қилиши мумкин. Кореяда ўтказилган тадқиқот шуни кўрсатдики, қайнатилган гуруч, ловия, кимчи, сабзавотлар, ўтлар, ўртача миқдорда балиқ, парранда гўшти, қизил гўштни кам истеъмол қилиш, кунжут ва перилла ёғи устун бўлган диета катаракта операциялари сонини 20% га камайтирди. Японияда катаракта бўлмаган 45 ёшдан 74 ёшгача бўлган 32 мингдан ортиқ эркак ва 40 мингга яқин аёл иштирокида тадқиқотлар ўтказилди. Уларнинг овқатланиши 5 йил давомида анкеталар асосида баҳоланди. Ушбу тадқиқот шуни кўрсатдики, сабзавотлар аёлларда эмас, балки эркакларда катаракта хавфини камайтириши мумкин ҳамда мева истеъмол қилиш ва катаракт билан касалланиш ўртасида ҳеч қандай боғлиқлик йўқ. 2017 йилда Sedaghat et al. катаракта ривожланиши ва турли хил озуқавий моддаларни истеъмол қилишнинг бешта модели ўртасидаги боғлиқликни баҳолади: - Биринчи гуруҳ иштирокчилари натрий, оқсил, углеводлар, рух, В1, В2 ва В6 витаминлари юқори бўлган маҳсулотларни истеъмол қилди; - Иккинчи гуруҳнинг рациони олеин, линол, линолен ва тўйинган ёғ кислоталарига, транс ёғларига, Е витаминига бой эди; - учинчи гуруҳ кальций, холестерин, Д витамини ва В12 ни кўп истеъмол қилган; - тўртинчи гуруҳнинг менюси ретинол, каротеноидлар, С витамини ва Омега-3 ёғ кислоталари каби турли хил антиоксидантларга бой бўлди. Ушбу гуруҳда катаракта хавфи энг паст бўлган.

    • 25 Июнь, 09:00
    • Батафсил
    not found

    Олимлар пластик чиқиндиларни парацетамолга айлантириш усулини кашф этишди

    Шотландиянинг Эдинбург университетидаги олимлар пластик чиқиндиларни дори воситаларига айлантиришнинг инқилобий технологиясини ишлаб чиқди. Тадқиқотчилар жамоаси генетик жиҳатдан ўзгартирилган ичак бактерияси (E.coli) ёрдамида пластик идишлар таркибий қисмларини атиги 24 соат ичида парацетамолнинг фаол компоненти бўлган терефтал кислотасига айлантиришга эришди. Ушбу тадқиқот натижалари Nature Chemistry илмий журналида эълон қилинди. Мутахассислар пиво тайёрлаш учун ишлатиладиган ферментация жараёнидан фойдланган. Бу жараён хона ҳароратида ва деярли карбонат ангидрид чиқиндисисиз кечади, шу боис бу замонавий дори ишлаб чиқаришнинг янада экологик тоза муқобили ҳисобланади. Генетик жиҳатдан қайта дастурланган ичак таёқчасининг терефтал кислотаси билан реакцияси натижасида олинган маҳсулотнинг тахминан 90 фоизини парацетамол ташкил этди. Ушбу технология шиша ва қадоқлашда ишлатиладиган пластик тури - полиэтилентерефталатни (ПЕТ) қайта ишлаш учун долзарбдир. Ҳар йили дунёда 350 миллион тоннадан ортиқ шундай чиқиндилар ҳосил бўлиб, уларнинг аксарияти чиқиндихоналарга ёки океанларга тушади. Олимлар ушбу технологияни саноатда қўллашга тайёрлаш мақсадида такомиллаштиришни давом эттирмоқда.

    • 24 Июнь, 17:45
    • Батафсил
    not found

    Юнусобод туманидаги дорихоналарда “электрон рецепт” модули фаолияти ўрганилди

    Жорий йил 7 май куни Президентимиз раислигида тиббиёт соҳасидаги ислоҳотларнинг навбатдаги босқичида турган устувор вазифалар муҳокамасига бағишлаб ўтказилган видеоселектор йиғилишида тизимдаги муаммолар батафсил кўрсатиб ўтилганидан хабарингиз бор.  Хусусан, соҳани рақамлаштириш, жумладан, “электрон поликлиника”, “электрон шифохона”, “электрон рецепт” модулларини ишга тушириш ортда қолаётгани танқид қилинди. Ҳозирга пайтда тизимда амалга оширилаётган рақамлаштириш жараёни шу танқидий фикрлар асосида қайта кўриб чиқилиб, зарурий чора-тадбирлар амалга оширилмоқда.  Жумладан, Юнусобод туманида тажриба тариқасида соғлиқни сақлаш тизимини рақамлаштириш таклиф қилинган бўлиб, бунга Соғлиқни сақлаш, Рақамли технологиялар вазирликлари ҳамда Бош прокуратура ҳузуридаги Иқтисодий жиноятларга қарши курашиш департаменти масъул сифатида белгиланган эди. Мазкур вазифалар ижроси юзасидан Соғлиқни сақлаш вазирлигининг Рақамли технологияларни жорий этиш ва мувофиқлаштириш бошқармаси, Ягона интегратор – “UZINFOCOM” ҳамда Фармацевтика маҳсулотлари хавфсизлиги маркази мутахассислари томонидан тумандаги дорихоналарда ўрганиш ишлари олиб борилди. Жараён давомида туманда жойлашган 198 та дорихонадан 185 тасида (93.4%) DMED тизими фаолияти тўлиқ йўлга қўйилганлиги 10 та дорихонада тизимга уланиш ишлари якуний босқичдалиги ҳамда 3 та дорихона фаолияти тугатилганлиги аниқланди. Маълумот учун, “Электрон рецепт” модули соғлиқни сақлаш тизимини рақамлаштириш доирасида ишлаб чиқилган замонавий электрон дастурий ечим бўлиб, дори воситаларини беморларга электрон кўринишда тайинлаш ва назорат қилиш имконини беради.  Модулнинг асосий мақсадлари: ✅ Рецептлар берилишида шаффофлик ва аниқликни таъминлаш;✅ Беморлар томонидан рецептларни мобил иловалар орқали кўриш имконини яратиш;✅ Дори воситалари белгиланган доза ва шаклларини ҳисобга олган ҳолда рецептлар тузиш;✅ Дорихоналарда дори воситалари реал вақтда маркировкасини текшириб сотишни таъминлаш;✅ Ҳисобот ва таҳлил жараёнларини тўлиқ автоматлаштириш  Модулнинг афзалликлари: - Рецептлар сохталаштирилишининг олди олинади; - Нотўғри дозалар ва дори шаклларини тайинлаш хатолари камаяди;- Беморлар учун қулайлик ва ахборотга тезкор кириш имкони яратилади. Бу натижалар соҳада очиқлик, шаффофлик ва дори воситалари муомаласи устидан самарали назоратни таъминлаш йўлида муҳим аҳамият касб этади.

    • 24 Июнь, 09:00
    • Батафсил
    not found

    Сунъий интеллект эпидемияларни башорат қилишни ўрганди

    Замонавий технологиялар, хусусан, Big Data эпидемияларни башорат қилиш имкониятига эга бўлди. Aгар илгари касалликнинг бошланиши беморлар касалхоналарга борганидан кейин маълум бўлган бўлса, бугунги кунда махсус алгоритмлар таҳдидни расмий баёнотлардан анча олдин аниқлаши мумкин. Бундай тизимларнинг ишлаш принципи турли манбалардан жуда катта ҳажмдаги маълумотларни тўплаш ва таҳлил қилишга асосланган, алгоритмлар симптомлар, ижтимоий тармоқлардаги хабарлар, электрон тиббий маълумотлардан олинган аноним маълумотлар ва ҳатто дорихоналарда дори сотиш статистикасини кузатиб боради. Ана шундай лойиҳалардан биринчиси бўлган Google Flu Trends 2009 йилда гриппнинг тарқалишини расмий идораларга қараганда тезроқ башорат қилган, гарчи бу маълумотлар ҳар доим ҳам тўғри бўлмаса-да, маълумотларни қайта ишлаш муҳимлигини кўрсатди. Прогнозлаш учун ҳам классик математик моделлар, ҳам сунъий интеллектга асосланган замонавий усуллар қўлланилади. Нейрон тармоқлар турли маълумотларни қайта ишлаш ва яширин нуқталарни топишга қодир. Ушбу ёндашув самарадорлигининг ёрқин мисоли - Канаданинг BlueDot стартапи. Бу тизим ҳаво қатнови ҳақидаги маълумотларни ва маҳаллий форумлардаги постларни таҳлил қилиб, Жаҳон соғлиқни сақлаш ташкилотининг расмий баёнотидан тўққиз кун олдин Хитойнинг Ухан шаҳрида номаълум пневмония тарқалиши хавфи ҳақида огоҳлантирганди. Aниқ афзалликларга қарамай, технология бир қатор муаммоларга дуч келади. Aсосий техник қийинчиликлардан бири бу нотўғри таққослаш бўлиб, алгоритм жиддий эпидемия бошланиши ёки мавсумий кўпайиш ўртасидаги фарқда хато қилиши мумкин. Бу асоссиз ваҳима ва ресурслардан норационал фойдаланишга олиб келади.

    • 23 Июнь, 15:00
    • Батафсил
    not found

    Сифати кафолатланмаган фармацевтика маҳсулотларининг савдога чиқарилишини олди олинди

    Бош прокуратура ҳузуридаги Департаментнинг Андижон вилояти бошқармаси томонидан ўтказилган тезкор тадбирда қонунга хилоф равишда дори воситалари савдоси билан шуғулланиб келган Д.Р. ва турмуш ўртоғи Б.У. “Onix” русумли автомашинасида ҳеч қандай ҳужжатсиз 16 турдаги 1 174 дона дори воситаларини Қўрғонтепа тумани ҳудудидаги дорихонага ўтказиш мақсадида олиб кетаётган вақтида ушланиб, давом этган тадбирда уларнинг яшаш хонадони ҳамда уларга дори воситаларини етказиб берган “Ж.О.” МЧЖдан хорижда ишлаб чиқарилган 2 841 дона умумий баҳоси 427,8 млн сўмлик сифатини тасдиқловчи ҳужжатлари бўлмаган дори воситалари ашёвий далил сифатида олинган. Шу каби, Департаментнинг Нурафшон шаҳри бўлими ва Божхона ходимлари ҳамкорлигида тиббий буюмлар ва дори воситаларининг ноқонуний муомалага киритилишининг олдини олиш мақсадида ўтказилган тезкор тадбирда фуқаро М.А.нинг бошқарувидаги “Cobalt” русумли автомашинаси ҳамда яшаш хонадонидан республика ҳудудига айланма йўллар орқали сотиш мақсадида олиб келинган 36 турдаги тегишли ҳужжатлари бўлмаган умумий баҳоси 311,1 млн сўмлик тиббий буюмлар ашёвий далил сифатида олинган. Мазкур ҳолатлар юзасидан Жиноят кодексининг 25, 186-3-моддаси (сифатсиз ёки қалбакилаштирилган дори воситаларини ёхуд тиббий буюмларни ўтказиш мақсадида ишлаб чиқариш, тайёрлаш, олиш, сақлаш, ташиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.

    • 23 Июнь, 12:00
    • Батафсил
    not found

    Йил бошидан буён харид чеки бермаслик ҳолати бўйича 40 мингдан зиёд мурожаатлар бўлган

    Солиқ қўмитасининг маълум қилишича, шу йилнинг январь май ойларида “Солиқ“ мобил иловасининг “Солиқ ҳамкор“ тизими орқали солиқ ҳуқуқбузарликлари ҳақида 45 496 та мурожаат келиб тушган. Шундан: 40 903 таси харид чеки бермаслик; 1 559 таси тўловни пластик карта орқали қабул қилмаслик; 113 таси пластик карта учун харид суммасини ошириш; 2 921 таси бошқа турдаги ҳуқуқбузарлик ҳолатлари бўйича. Мурожаатларнинг 21 510 таси такрорий бўлганлиги ёки шикоят келиб тушган тадбиркорлик субъектида текширув давом этаётганлиги сабабли кўриб чиқилмаган. Шунингдек, мурожаатлар асосида 18 140 та сайёр солиқ текшируви ўтказилиб, 99,1% ҳолатда ҳуқуқбузарлик тасдиқланган. Ҳуқуқбузарлик ҳолатлари бўйича хабар берган фуқароларга 20 358 та ҳолат бўйича (ундирилган жарима суммасидан 20%) 14,5 млрд сўм мукофот тўланган.

    • 20 Июнь, 12:00
    • Батафсил
    not found

    ФДA ОИВ профилактикаси учун ленакапавир инъекциясини тасдиқлади

    AҚШ озиқ-овқат ва фармацевтика идораси (ФДA) катталар ва ўсмирларда ОИВ инфекциясининг олдини олиш учун Gilead Sciences компаниясининг ленакапавирини тасдиқлади. Препарат йилига икки марта инъекция қилиш учун мўлжалланган. Gilead компаниясининг айтишича, дори Yeztugo савдо белгиси остида сотувга чиқарилади. Регулятор қарорини интиқлик билан кутаётган инвесторлар ва ОИВ га қарши курашувчилар ушбу дори 44 йиллик ОИВ эпидемиясини тугатишга ёрдам беришига умид қилишмоқда. Ленакапавир ОИВ капсид ингибиторлари синфига киради. Ўтган йили ўтказилган йирик тадқиқотлар натижаларига кўра, препарат 100% самарали. Бундай кўрсаткичлар ҳар йили 1,3 миллион одам юқтирадиган вируснинг тарқалишини тўхтатишга умид қилиш имконини беради. Gilead репаратни тезда Aмерика бозорига олиб киришни, шунингдек, ҳамкорлар ёрдамида бошқа мамлакатларда ҳам тарғиб қилишни режалаштирмоқда.

    • 20 Июнь, 09:00
    • Батафсил
    not found

    Инновацион клиника тиббиёт ривожида андоза бўлади

    Президент Шавкат Мирзиёев Шаҳрисабз шаҳридаги кўп тармоқли кардиология маркази фаолияти билан танишди.  Ижтимоий давлат саналмиш Ўзбекистонда аҳоли саломатлигини мустаҳкамлаш энг долзарб йўналишлардан бири. Шу мақсадда давлат шифохоналари ислоҳ қилиняпти, соҳага инвестициялар жалб этилиб, хусусий сектор ҳам ривожлантирилмоқда. Жумладан, бугунги кунда Қашқадарёда 700 дан зиёд хусусий клиника очилган, уларда 72 та хизмат тури йўлга қўйилган. Россиялик тадбиркор билан ҳамкорликда ташкил этилган “Оқ сарой” клиникаси яқинда ишга тушди. Бу ерда 4 та жарроҳлик ва 6 та реанимация хоналари, 100 дан ортиқ шифо ўринлари мавжуд. Бир вақтнинг ўзида 4 та ва кунига 25 тагача юқори технологияли кардиожарроҳлик амалиётларини ўтказиш имконияти яратилган. Бунинг учун Россия, Туркия ва Кувайтдан малакали шифокорлар ишга жалб этилган. Стентлаш, аорта коронар шунтлаш, туғма нуқсонларни бартараф этиш, эндопротезлаш каби даволар самараси юқори. Марказ юқори аниқликда ташхис хизмати ҳам кўрсатади. Масалан, замонавий эхокардиография ускунаси сунъий интеллект ёрдамида ишлайди. Бунақаси ҳозирча Ўзбекистонда ягона. Давлатимиз раҳбари бундай инновацион клиникалар тиббиётда сифат ва дунёқарашни ўзгартириши, бошқаларни ҳам трансформацияга ундашини таъкидлади. – Бу ердаги тизимни андоза қилиб олиб, 14 та ҳудудимизда шундай клиникалар ташкил этиш зарур. Бунга қанча маблағ керак бўлса, топамиз. Фақат замирида халқимиз учун кафолатланган сифатли даво бўлиши лозим. Муқобиллик, рақобат бўлмаса, сифатга интилиш бўлмайди, – деди Шавкат Мирзиёев. Мутасаддиларга бу борада таклиф тайёрлаш, клиникаларни бирламчи бўғин ва тиббий суғурта тизими билан уйғунлаштириш бўйича кўрсатмалар берилди. Шифохонада 130 та иш ўрни яратилган. Малакали мутахассислар тайёрлаш учун шу ернинг ўзида клиник ординатура йўлга қўйилган. Президентимиз бунга алоҳида аҳамият қаратиб, талаба ва шифокорларнинг малакасини ошириш, хорижлик мутахассислар билан телемедицинани кенгайтириш муҳимлигини қайд этди. Айтиш жоизки, нотўғри овқатланиш оқибатида қашқадарёликлар орасида юрак қон-томир хасталиклари кўп учрайди. Янги клиника ва унинг қошидаги марказ ушбу касалликларни эрта аниқлаб ташхис қўйиш ва даволашда муҳим аҳамият касб этади. Мазкур марказ томонидан мобиль диагностика машиналари йўлга қўйилган бўлиб, чекка ҳудудлардаги аҳолига УТТ, МСКТ, ЭКГ каби тиббий хизматларни кўрсатади.

    • 19 Июнь, 15:00
    • Батафсил
    not found

    Ўзбекистонда дори нархлари қайта кўриб чиқилмоқда: 3000 турдан 490 таси арзонлашади

    Ўзбекистонда 3000 турдаги дори воситаси нархи қайта кўриб чиқилиб, 490 тасида нарх пасайтирилиши назарда тутилган, деди Фармагентлик раҳбари. Унинг сўзларига кўра, бу жараён референт давлатлар мисолида амалга оширилмоқда. Дорихоналарга эски захирани сотиш учун маълум муддат берилади. Ўзбекистонда рецептли дори воситаларининг нархлари кўриб чиқилмоқда. Фармацевтика тармоғини ривожлантириш агентлиги раҳбари Абдулла Азизов Gazeta’га интервьюсида бу йўналишдаги ишлар жадаллаштирилганини айтди. Унинг айтишича, Ўзбекистонда аксар дори воситаларининг нархлари Қозоғистондагидан кўра арзонроқ. Сабаби Ўзбекистон 10 та референт давлатлар нархларини ўрганиб боради ва улардаги ўртача ёки минимал нархни татбиқ қилади. «Референт нарх ҳисобланганда 10 та давлатнинг нархи олиниб, ўшанинг ўрталамаси ҳисобланади. Агар сизнинг олиб кирган нархингиз ўша ўрталама нархдан арзон бўлса, демак, сизнинг нархингиз олинади-да, референт нарх ҳисобланади. Лекин агар ўрталама нарх сизнинг олиб кирган нархингиздан арзон бўлса, ўрталама нарх олишга мажбур бўлади. Қонунчилигимиз шуни талаб қилади», — дея тушунтирди у. Агентлик раҳбари Ўзбекистонда дори воситалари қимматлигини реферант давлатлардаги иқтисодий ҳолат билан боғлади. Хусусан, Туркия ва Мисрдаги юқори инфляция сабабли нархлар ностабил бўлиб, ҳар олти ойда уларда дори воситалари нархини қайта кўриб чиқиш амалиёти мавжуд. Бу эса ушбу давлатларда нархларни сунъий тарзда пасайтириш ёки юқори босим ўтказиш механизмларини юзага келтирмоқда. Мисол учун, Мисрда иқтисодий инқироз туфайли аҳоли дори сотиб олишда қийнала бошлаган, натижада давлат маҳаллий ишлаб чиқарувчилардан фойдаланган ҳолда дорилар нархини қатъий назоратга олган. Бу эса корхоналарга босим берган, айримлари зарар билан ишлашга мажбур бўлган. Уларнинг харажатларни қоплашдаги асосий воситаси — экспорт ёки рецептсиз сотиладиган дори воситалари. Шунингдек, Туркияда ҳам инфляция сабабли дори нархлари кўп ҳолларда кескин ўзгариб туради. У ердаги нарх сиёсатлари маҳаллий ишлаб чиқарувчиларни ҳимоя қилишга қаратилган бўлиб, давлат уларга муайян имтиёзлар беради ва ишлаб чиқаришга мажбурлайди. Шу сабабли бу икки давлатни Ўзбекистон билан тўғридан-тўғри солиштириш мутлақо нотўғри, дея таъкидлади Азизов. Аммо, шу билан бирга, Туркия ва Миср реферант давлатлар рўйхатига қўшилган, чунки улар орқали ўртача нархни шакллантиришда муайян мувозанат сақланиши мумкин. Унинг маълум қилишича, яқин келажакда реферант нархлар бўйича янги ўзгаришлар кутилмоқда ва бу ҳақда тадбиркорларга алоҳида тарзда ахборот берилган. Бундан ташқари, президент топшириғи билан, рецептсиз дори воситаларига референт нархни бекор қилишга рухсат берилган. Энди рецептсиз дори воситалари эркин бозор қоидалари асосида сотилиши мумкин. Шунингдек, рецептли дори воситалари бўйича назорат кучайтирилади. «Халққа бу оғир ботиши керак эмас. Давлатимиз раҳбари энг кўп айтадиган гаплари: „Халқ дори воситасидан, дори нархидан ҳар доим эътироз билдиради. Гўшт нархини айтмайди, овқат нархини айтмайди, лекин кўпроқ дори нархини айтадилар“. Шунинг учун биз ўзимиз ҳам бу йўналишда ишни жадаллаштирганмиз», — қайд этди Абдулла Азизов. Ҳозирги кунга қадар 3000 турдаги дори воситасининг нархи қайта кўриб чиқилган. Шулардан 490 тасида нарх пасайтирилиши назарда тутилган. Бироқ нархни дарҳол тушириш имкони йўқ — чунки бу ҳолат дорихоналарга зарар келтириши мумкин. Чунки улар айрим препаратларни юқори нархда харид қилган бўлади. Масалан, агар дорини 100 сўмга олиб, референт нарх 50 сўм қилиб белгиланса, дорихоналар зарар кўради. Шу боис уларга маълум муддат — уч ой ёки олти ой вақт берилиб, мавжуд захира сотилишига имкон яратилади. Бундан кейин эса улар фақат белгиланган янги нархда сотишлари шарт бўлади. «Биз ҳали охирига етмадик, чунки унинг жараёни жуда узоқ. Унинг ҳар бирининг импорт нархини ўрганиб, уни қайтадан кўриб чиқиб, бошқа давлатлар билан солиштириш керак бўлади. Ва ҳозир билдикки, ўша референт нархларда тушиш кузатиляпти», — қўшимча қилди у. Агентлик раҳбарининг сўзларига кўра, агар маҳаллий ишлаб чиқарувчилар рецептли дориларда нарх босимига дуч келса, уларда рецептсиз дори воситаларини ҳам ишлаб чиқариш орқали харажатларни қоплаш имконияти мавжуд. Унинг таъкидлашича, дори воситалари нархини пасайтириш бўйича аниқ ишлар бошланган. Хусусан, Tashkent Pharma Park кластерида 26 та, республика бўйича эса 160 га яқин лойиҳа амалга оширилмоқда. Ишлаб чиқариш ҳажми ортган сари рақобат кучаяди ва бу нархлар тушишига олиб келади. Масалан, 2024 йил февралда инфузия учун мўлжалланган натрий хлорид нархи бозорда 18 000 сўмгача кўтарилган. Бу маҳсулот етишмовчилиги билан боғлиқ бўлган. Кейинчалик рўйхатдан ўтказиш жараёнлари тезлаштирилиб, ишлаб чиқариш кенгайтирилган. Ҳозирги кунга келиб, ушбу препаратнинг нархи 2500 сўмгача тушган. Агентлик раҳбарига кўра, баъзи корхоналар даромад камайганидан шикоят қилмоқда. Бироқ бундай ҳолатда улар бошқа турдаги дори воситаларини ишлаб чиқаришга ўтиши ва харажатларни диверсификация қилиши мумкин.

    • 18 Июнь, 15:00
    • Батафсил

    Галерея

    Барчаси
    not found
    20.10.2022
    not found
    20.10.2022
    not found
    14.10.2022
    not found
    11.09.2022
    not found
    30.08.2022
    not found
    06.08.2022
    not found
    06.08.2022
    not found
    06.08.2022
    not found
    12.07.2022

    Видеогалерея

    Барчаси
    not found

    25 март “Ер вақти” куни

    25 Март, 15:32
    not found

    Бундан кейин ҳам сиёсат шундай бўлади. Ёшларни, аёлларни қўллаб-қувватлашни давом эттирамиз! - Ш.М. Мирзиёев

    5 Декабрь, 09:05
    not found

    14 ноябр - Бутунжаҳон диабетга қарши кураш куни

    14 Ноябрь, 09:05
    not found

    Ижтимоий тармоқларда тарқалган Ринотин Кидс ҳақидаги барча хабарлар фейк бўлиб чиқди

    13 Май, 12:17
    not found

    Россиянинг Эндофарм фармацевтика компанияси бош директори Михаил Фонарев “Дори-Дармон” аксиядорлик компанияси билан ҳамкорлик тўғрисида

    23 Апрель, 12:05
    not found

    "Соғлиқни сақлаш — TIHE 2024” 28-Тошкент халқаро тиббиёт кўргазмаси

    18 Апрель, 14:25
    not found

    "Дори-Дармон" АКда Сумалак сайли - 2024

    15 Апрель, 12:08
    not found

    Вақтинча меҳнатга лаёқатсизлик варақаcини онлайн юклаб олишни биласизми?

    2 Апрель, 14:56
    not found

    2023 йил давомида 25,0 млрд. сўмлик дори воситалари бепул берилди

    1 Март, 11:23
    not found

    Ўзбек олимлари коронавирусга қарши “ТОМАVAC” помидор вакцинасини яратди

    15 Январь, 12:00
    Коррупцияни тўхтатинг!

    Ишонч телефони

    (+99871) 120-16-61

    Интерактив харита

    Хизматлар

    not found

    ООО «INTEGRA DD»

    2010 йилда Самарқанд шаҳрида GMP халқаро стандартларига мувофиқ инъекцион дори воситаларини ишлаб чиқаришни ташкил этиш лойиҳасини амалга ошириш мақсадида «IntegraDD» МЧЖ корхонаси ташкил этилди. Ривожланган инфратузилмага эга заводнинг умумий майдони 11200,0 кв. м га тенг.

    Сайтга ўтинг
    not found

    ООО «Dori-Darmon HCP»

    2007 йилда Ўзбекистонда «Elysee Parfumerie» бренди остида тақдим этилган «Dori Darmon HCP» МЧЖ ташкил этилди. Унинг асосий фаолияти - люкс синфига мансуб косметика ва парфюмерия воситаларининг чакана савдосини юритишдан иборат.

    Сайтга ўтинг
    not found

    ООО «DD General Insurance»

    2011 йилда «DD General Insurance» АЖ ташкил этилган бўлиб, унинг асосий вазифаси юридик ва жисмоний шахсларнинг мулкий манфаатларини ишончли суғурта ҳимоясини таъминлашдан иборат. Бугунги кунда компания кўплаб ихтиёрий суғурта турлари бўйича ўзининг салоҳиятли мижозлар базасига эга. 2021 йил натижаларига кўра «Standard and Sensetive Ratings» рейтинг агентлиги томонидан компанияга миллий шкала бўйича тўлов қобилияти ва ишончлилиги бўйича «uzА++» (энг юқори) рейтинги берилди ва “Барқарор” прогнози тайинланиб, бу компаниянинг барча мажбуриятларини ва суғурта полислари эгаларининг талабларини ўз вақтида ва тўлиқ бажаришидан далолат беради. Келгусида мажбурий тиббий суғурта йўналишини ривожлантириш режалаштирилган.

    Сайтга ўтинг
    not found

    ООО «Dori-Darmon Garant»

    2005 йилда умумий майдони 2000 кв. м божхона омборига эга бўлган «Дори-Дармон Гарант» МЧЖни ташкил этиш тўғрисида буйруқ имзоланиб, унинг асосида импорт қилинаётган дори-дармонлар ва тиббий буюмларни сақлаш бўйича замонавий хизматлар кўрсатилмоқда. 2012 йилда Ўзбекистонда илк бор автоматлаштирилган сақлаш ва логистика тизимлари қўлланиладиган “Ақлли омбор” концепциясининг кенг кўламли лойиҳаси амалга оширилди.

    Сайтга ўтинг
    not found

    ООО «Dori-Darmon Invest»

    2004 йилда Ўзбекистон фармацевтика бозорини тадқиқ қилиш, мамлакатда ўз ваколатхоналарига эга бўлмаган ишлаб чиқарувчилар учун дори воситаларини рўйхатдан ўтказиш бўйича хизматлар кўрсатишга ихтисослашган «Dori Darmon Invest» МЧЖ ташкил этилди.

    Сайтга ўтинг

    Ҳамкорлар

    not found
    not found
    not found
    not found

    Давлат ресурслари

    not found

    Aҳолини фавқулодда вазиятларда тўғри ҳаракат қилишга ўргатувчи фойдали ҳаволалар
    not found

    Электрон ҳукумат лойиҳаларини бошқариш маркази
    not found

    Ўзбекистон Республикаси очиқ маълумотлар портали
    not found

    Ўзбекистон Республикаси қонунчилик маълумотлари миллий базаси
    not found

    Виртуальная приёмная Президента Республики Узбекистан
    not found

    Правительственный портал Республики Узбекистан

    Саволлар

    ва жавоблар

    Биз билан қуйидаги +998 71 228-06-96 рақам ёки қисқа 1002 рақами орқали боғланишингиз мумкун

    Дорихона ичида дори тайёрлаш мақсадида олиб кириладиган, Ўзбекистон Республикасида ишлаб чиқарилмайдиган лаборатория ҳайвонларини боқиш, клиник-олди тадқиқотлар ва дори воситалари ишлаб чиқариш (шу жумладан, дорихона ичида тайёрлаш) учун ишлатиладиган 344 номдаги хом ашё ва материаллар, тиббий буюмлари ва қадоқлаш материаллари 2025 йил 1 январга қадар божхона божларидан озод қилинади.

    Ангро маҳсулоти — йирик қадоқда ишлаб чиқариладиган ва сотиладиган, шунингдек, кейинчалик тайёр дори воситаларини ишлаб чиқариш (тайёрлаш) учун ишлатиладиган дори воситаси ҳисобланади.

    Авваламбор қўлларни зарарсизлантиришда антисептик воситалардан фойдаланиш тавсия этилган. Перекис водород ва фурацилин асосан бактерияларга қарши восита саналади. Антисептик воситаларда 70 фоизли этил спирти бўлгани учун вирусларнинг қобиғини парчалаш хусусиятига эга.

    not found

    Саволларингиз борми?
    Биз ёрдам берамиз!

    Нажмите на кнопку ниже, чтобы прослушать текст Powered by GSpeech