Yangiliklar

FDA 20-yil ichida birinchi opioid bo‘lmagan og‘riq qoldiruvchi vositani tasdiqladi

FDA 20-yil ichida markaziy asab tizimiga ta’sir qilmasdan og‘riq signallarini bloklaydigan birinchi innovatsion opioid bo‘lmagan analgetikni tasdiqladi. Vertex kompaniyasi tomonidan ishlab chiqilgan preparat klinik sinovlarda yuqori samaradorlikni ko‘rsatdi va har yili o‘n minglab odamlarni qaram qiladigan opioidlarga muqobil bo‘lishi mumkin. AQSH oziq-ovqat va farmatsevtika idorasi (FDA) o‘rtacha va kuchli, o‘tkir og‘riqlarni davolash uchun opioid bo‘lmagan dori, Journavx (suzetrigin) ni tasdiqladi. Preparat faqat periferik nervlarga ta’sir qiladi va miya ichkarisiga kirmaydi, shuning uchun u opioid og‘riq qoldiruvchi vositalardan farqli o‘laroq, qaramlikka olib kelmaydi. Preparatning samaradorligi operatsiya qilingan 1000 ga yaqin odam ishtirok etgan ikkita tadqiqotning III bosqichli natijalari bilan tasdiqlangan. Ularga platsebo, opioid Vicodin (hydrocodone + acetaminophen) yoki Journavx berildi. Abdominoplastikadan so‘ng (qorin bo‘shlig‘ini estetik operatsiyasi) Vertex preparatini qabul qilgan bemorlarning 61 foizi og‘riqning kamida 30 foizga kamayganini qayd etdi. Platsebo guruhida ishtirokchilarning 48% og‘riqni kamaygani haqida xabar berishdi. Bunionektomiyadan so‘ng (oyoq bosh barmog‘idagi chiqib ketgan suyakni tuzatish) Journavx qabul qilgan bemorlarning 83 foizida og‘riq sezilarli darajada kamaygan. Taqqoslanadigan analgetik ta’sir platsebo guruhidagi bemorlarning 68 foizida qayd etilgan. Opioid preparati og‘riqni sezilarli darajada kamaytirdi, ammo u ko‘proq yon ta’sirga olib keldi. Birinchi sinovda ko‘ngil aynishi va qusish Vicodin guruhidagi ishtirokchilarning 33 foiziga va Journavx guruhidagilarning 20 foiziga ta’sir ko‘rsatdi. Ikkinchi tadqiqotda bemorlarning 16% va 9% mos ravishda bir xil salbiy reaksiyalardan shikoyat qildilar. Preparatni ishlab chiqish uchun uchun yigirma yildan ko‘proq vaqt kerak bo‘ldi, deb yozadi New York Times. Amerika Qo‘shma Shtatlarida har yili 80 millionga yaqin odam og‘riq qoldiruvchi vositalar uchun retsept oladi va ularning taxminan yarmiga opioid preparatlar buyuriladi. Natijada 85 ming bemorda dorilarga qaramlik yuzaga keladi. Opioid bo‘lmagan muqobilning paydo bo‘lishi narkotik og‘riq qoldiruvchi vositalardan foydalanish bilan bog‘liq xavflarni kamaytiradi. Vertex kompaniyasi, shuningdek, uning periferik neyropatik og‘riqlarga ta’sirini o‘rganmoqda, bundan tashqari, ishlab chiqaruvchi lumbosakral radikulopatiya bilan og‘rigan bemorlar orasida preparatni o‘rganishni ham rejalashtirgan.

3 Fevral, 09:55
Batafsil

Matbuot xizmati

Yangiliklar

Aqlli soatlardan-to‘g‘ri foydalanasizmi?

Toshkent shahrida juda ko‘p miqdordagi dori vositalari ashyoviy dalil sifatida olindi

FDA 20-yil ichida birinchi opioid bo‘lmagan og‘riq qoldiruvchi vositani tasdiqladi

Kuchli ta’sir qiluvchi dori vositalari savdosi bilan shug‘ullanib kelgan shaxslar ushlandi

Faoliyat ko‘rsatkichlari tahlil qilindi

Dorixona peshtaxtalarini necha foiz biologik faol qo‘shimchalar egallaydi?

Giyohvandlik vositalarini dorixonalar orqali realizatsiya qilish tartibi belgilandi

Alsgeymer kasalligini ovoz yordamida erta aniqlash tizimi yaratildi

O‘zbekistonda bir qator import dorilarga boj joriy etilmoqda

“Dori-Darmon” aksiyadorlik kompaniyasi

Asosiy