COVID-19 пандемиясидан кейин антисептиклардан кенг фойдаланила бошланди. Улар ҳақиқатан ҳам шунчалик самаралими?

Миф 1. "Спиртли ичимликлар яхши антисептик ҳисобланади"

Шуни тушуниш керакки, даражаси 60 дан паст бўлган спиртли ичимликлар патоген микрофлоранинг катта қисмини йўқ қила олмайди. Шундай экан, ҳар қандай таркибида спирт мавжуд бўлган ичимликлар керакли самарани бера олмайди.

Миф 2. "Aнтисептиклар терини қуритиб юборади"

Замонавий антисептиклар парваришлаш хусусиятига эга бўлган намловчи моддалар ва ўсимлик экстрактларини ўз ичига олади, шунинг учун антисептиклар терига зарар етказмайди. Aммо сиз спиртдан фойдалансангиз терини қуритиш муаммосини келтириб чиқаради.

Миф 3. "Совун антисептиклардан яхши"

Совун ва антисептиклар бир хил таъсир қилади. Aнтисептиклар терини худди шундай бактериялардан, совун эса оддий ифлосликлардан ҳам тозалайди. Шундай қилиб, қўлларни дезинфекция қилиш учун иккала восита ҳам бир хил самарали.

Миф 4. "Қанча кўп бўлса, самара шунча яхши"

Aслида қўлларни дезинфекция қилиш учун бир неча томчи кифоя қилади. Aсосийси - қўлларга, айниқса, бармоқлар орасидаги зоналарга яхшилаб ишлов бериш керак.

Миф 5. "Спирт антисептикларга қараганда самаралироқ"

Маълум бўлишича, 85-98 фоизли спирт, таркибида спирт кам бўлган антисептикларга қараганда камроқ антибактериал таъсир кўрсатади. Гап шундаки, тоза спирт жуда тез буғланади ва барча патоген микрофлорани ўлдиришга улгурмайди.