Фармацевтлар учун навбатдаги ўқув ташкил этилди
“Дори-Дармон” акциядорлик компанияси тизимидаги дорихоналарда фаолият юритаётган фармацевтлар учун навбатдаги ўқув ташкил этилди.
Кузнинг салқин кунлари бошланди. Ёғингарчилик мавсуми яқин. Бу — ўткир респиратор вирусли инфекциялар авж олиши учун қулай муҳит. Ана шу даврда шамоллаш ва грипп сингари мавсумий касалликлар болалар ва катталар ўртасида кенг тарқалади.
Ўқув айни шунга қаратилди, яъни айни вирусли инфекциялардан даволаниш учун мурожаат қилган беморларга рецептсиз бериладиган дори воситаларини тавсия қилишда нималарга эътибор бериш, қандай маълумотларни тақдим этишни унутмаслик кераклиги ҳақида интереактив усулда мулоқот олиб борилди.
Ўқув давомида “Биннофарм Групп” компаниясининг Ўзбекистондаги вакиллари фармацевтика компанияси томонидан ишлаб чиқилган ўткир респиратор вирусли инфекцияларда қўлланиладиган дори воситалари, уларнинг таркиби, таъсир қилувчи моддаси, қўлланилиши, ножуя таъсирлари, сақланиши ҳақида батафсил маълумотлар бериб ўтди.
Шунингдек, “Дори-Дармон” акциядорлик компаниясининг дорихоналар тармоғида сотилаётган “Биннофарм Групп” компанияси томонидан ишлаб чиқарилаётган вирусга қарши, варикоз касаллигига қарши, овқат ҳазм қилиш тизими ва ўт йўлларининг функционал бузилишлари билан боғлиқ бўлган ҳолларда, жигар касалликларида қўлланиладиган Кагоцел, Венарус, Необутин, Урдокса, Дексонал ва Диклофенак каби дори воситалари ҳақида тўлиқ маълумотлар берилди. Ўқув якунида олинган билимларни мустаҳкамлаш учун интерактив савол-жавоб ўтказилди.
“Биннофарм Групп” — Россиянинг етакчи фармацевтика компанияларидан бири бўлиб, 450 дан ортиқ рецепт билан ва рецептсиз бериладиган препаратларни ишлаб чиқаради. Портфелдаги 100 дан ортиқ дори воситалари зарур дори воситалари рўйхатига киритилган.
- 26 Сентябрь, 12:00
-
Батафсил
