Олимлар пластмассада мавжуд бўлган 16 мингта кимёвий моддаларни аниқладилар. Уларнинг 4000 дан ортиғи инсон саломатлиги ва атроф-муҳит учун хавфли бўлиб чиқди.

Тадқиқот бир йил давом этди. Халқаро эспертлар гуруҳи пластик таркибида илгари тахмин қилинганидан кўра кўпроқ кимёвий моддалар бор деган хулосага келди. Улардан 4200 таси (26%) “доимий, биоаккумулятор, ҳаракатчан ва/ёки токсик” табиати туфайли ташвишга солмоқда. Ушбу рўйхатда кенг тарқалган хом ашё, стабилизаторлар ва бўёқлар мавжуд.

Ҳисоботда аниқланган 400 дан ортиқ кимёвий моддалар озиқ-овқат қадоқлари каби машҳур пластик маҳсулотларда топилган. Синовдан ўтган барча пластмассалар атроф-муҳитга хавфли кимёвий моддалар чиқарди.

Олдинги тадқиқотлар шуни кўрсатдики, пластмасса таркибидаги баъзи моддалар, масалан, фталатлар репродуктив тизимга зарар етказиши ва болаларда астма хавфини ошириши мумкин. Перфторалкил и полифторалкил моддалари саратон ва иммунитет тизими бузилиши хавфини оширади.

Олимларнинг таъкидлашича, Турғун органик ифлослантирувчи моддалар ҳақидаги Стокгольм конвенцияси каби глобал шартномалар пластмассалардан фақат мингга яқин кимёвий моддалардан фойдаланишни тартибга солади. Қолганлари эса тартибга солинмайди.

Тадқиқот муаллифлари пластикдан тайёрланган кимёвий маҳсулотларни тартибга солишда ёндашувни ўзгартиришга чақирди. Шундай қилиб, шаффофликни ошириш ва потенциал хавф туғдирадиган кимёвий моддаларни янада яқинроқ кузатиб бориш керак, дея хабар беради The Independent.