Дорилар ҳақида нималарни билиш шарт?
Дори-дармонлар ҳақида ҳар бир бемор билиши шарт бўлган кичик эслатма тўпладик.
Уйда:
Агар қабул қилиш шартларида кўрсатилмаган бўлса, капсула ёки таблеткаларни чайнаманг, майдаламанг ёки синдирманг. Баъзи дори-дармонлар чайналганда жуда тез сўрилади, бу хавфли бўлиши мумкин. Баъзи дорилар эса самара бермайди, аксинча сизни касал қилиши мумкин.
Дори-дармонларни асл ўрамида сақланг. Кўпгина таблеткалар бир хил кўринишга эга, шунинг учун уларни асл ўрамида сақлаш орқали сиз нимани ва қандай қабул қилишни билиб оласиз.
Ҳеч қачон бошқа одамларнинг дори-дармонларини қабул қилманг. Доза нотўғри бўлиши ва сизда аллергия кузатилиши мумкин.
Дорини тўғри қабул қилаётганингизга ишонч ҳосил қилиш учун ҳар сафар ёрлиқни ўқинг. Дозага риоя қилинг.
Дори-дармонларни ҳаммомда ёки тўғридан-тўғри қуёш нури тушадиган жойларда сақламанг. Намлик, иссиқлик ва ёруғлик дориларнинг самарадорлиги ва хавфсизлигига таъсир қилиши мумкин.
Одамлар қабул қилиши учун мўлжалланган дори-дармонларни уй ҳайвонлари учун дори-дармонлар ёки уй кимёвий моддаларидан алоҳида сақланг.
Касалхонада:
Касалхонага борганингизда дори-дармонларингизни ва дори-дармонлар рўйхатини ўзингиз билан олиб боринг. Шифокор ва ҳамширалар нима қабул қилаётганингизни билиши керак.
Ҳар қандай таҳлил топшириш ёки муолажадан олдин, унга бирон бир дори керакми ёки йўқлигини сўранг. Aгар сизда аллергия бўлса, ҳамшира ва шифокорга буни эслатиб қўйинг.
Хатоларни бартараф этиш учун шифокордан ҳар қандай рецептда нима ёзилганлигини, жумладан, дори воситаларининг номлари ва уларни қабул қилиш қоидаларини тушунтиришини сўранг.
- 26 Апрель, 14:36
-
Батафсил
