Чарчоқ кучайиши қайси касалликларнинг аломати бўлиши мумкин
Кучли чарчоқ қалқонсимон без касалликларида пайдо бўлиши мумкин ва кундалик ҳаётга халақит берадиган даражада кучли бўлиши мумкин.
"Чарчоқ қалқонсимон без касалликларининг кенг тарқалган аломатидир," — деди эндокринолог шифокор Камила Табеэва.
Шу билан бирга, беморларнинг ўзлари кўпинча уни бошқа омиллар — мавсумийлик, нотўғри овқатланиш, иш жадвали, стресс ва бошқалар билан боғлайдилар ва чарчоқ ўз-ўзидан ўтиб кетишига умид қилиб, охиригача шифокорга мурожаат қилмайдилар. Улар барибир мутахассис қабулига келишганда, чарчашнинг сабаби гипотериоз эканлиги маълум бўлади.
Қалқонсимон без гормонларининг меъёрдан ошиши — тиреотоксикоз ҳам ҳолсизликка олиб келиши мумкин, аммо бу ҳолда у қўл бармоқларининг титраши, юрак уришининг тезлашиши ва вазн йўқотиш билан бирга кечади.
Қалқонсимон без билан боғлиқ муаммоларнинг яна бир эҳтимолий белгиси — узоқ уйқудан кейин ҳам чарчоқ ҳисси. "Уларда жисмоний машқлар учун энергия етишмайди, эрталаб ўриндан туриб, кунни бошлаш қийин бўлиши мумкин," — дея тушунтирди мутахассис. — Бундан ташқари, тез-тез йиғлоқилик ҳам пайдо бўлиши мумкин."
Ўз-ўзини диагностика қилиш ва айниқса ўзини даволаш билан шуғулланиш керак эмас. Санаб ўтилган аломатлар пайдо бўлганда, мутахассисга мурожаат қилинг.
