Pandemiyaning uch yili davomida Rossiyada COVID-19 ni davolash uchun moʼljallangan 15 ta dori vositasidan foydalanish natijasida 800 dan ortiq nojoʼya taʼsirlar yuzaga kelganligi qayd etilgan.

Nojoʼya taʼsirlarning yarmidan koʼpi favipiravir faol moddasini oʼz ichiga olgan «Аvifavir», «Аreplevir» va «Koronavir» preparatlari bilan bogʼliq. Ekspertlar COVID-19 ni davolashda qoʼllaniladigan dori vositalarining nojoʼya taʼsirlari chastotasini baholashdi. Tahlil natijalari Sogʼliqni saqlash vazirligining Tibbiy mahsulotlarni ekspertiza qilish ilmiy markazi (NTsESMP) jurnalida chop etildi, deb yozadi «Meditsinskiy vestnik».

Roszdravnadzorning rasmiy statistikasida koronavirus infektsiyasini davolash bilan bogʼliq jami 873 ta hisobot mavjud. COVID-19 dorilariga salbiy reaktsiyalar eng koʼp tibbiyot xodimlari tomonidan qayd etilgan - hisobotlarning 39%. 35% hollarda farmatsevtika kompaniyalari xabar berishgan.

Roʼyxatda qanday dorilar bor

Sogʼliqni saqlash vazirligining klinik tavsiyalarining turli versiyalariga kiritilgan 15 ta dori vositasini qoʼllash natijasida salbiy reaktsiyalar yuzaga kelgan. Nojoʼya reaktsiyalarning eng koʼp soni virusga qarshi favipiravir preparatini qoʼllash bilan bogʼliq - 493 ta holat yoki foizda hisoblaganda COVID-19 dorilaridan aniqlangan nojoʼya reaktsiyalarining umumiy 56% ni tashkil qiladi. Mutaxassislar buning sababi sifatida preparatning keng qoʼllanilishini koʼrsatishdi. Birgina 2021 yilning oʼzida favipiravirning oʼrtacha sutkalik dozalari soni remdesivir isteʼmolidan 30 baravar va gidroksixloroxin isteʼmolidan olti baravar oshgan.

Keyingi oʼrinda katta farq bilan gidroksixloroxin va olokizumab turibdi - 87 va 85 ta holat. Har bir dori umumiy hisobotning 10% ni tashkil etadi.

Roszdravnadzor maʼlumotlar bazasida, shuningdek, koronavirus infektsiyasini davolashda qoʼllaniladigan yana 12 ta dori, shu jumladan toʼrtta virusga qarshi vosita: remdesivir, umifenovir, molnupiravir va ritonavir bilan lopinavirning nojoʼya taʼsirlari tavsifi mavjud. Bular «Velkuri», «Аrbidola», «Lagevrio» va boshqa dorilarning MNN bilan koʼrsatilgan faol moddalari.

Mutaxassislar, shuningdek, azitromitsin antibiotigi, immunodepressantlar, glyukokortikoid deksametazon va Kovid-globulinni qabul qilishda salbiy reaktsiyalarni aniqladi (rasm).

COVID-19 ga qarshi dorilar qanday nojoʼya taʼsirlar koʼrsatdi?

Laboratoriya va instrumental koʼrsatkichlarga taʼsiri koronavirus infektsiyasini davolashda eng keng tarqalgan nojoʼya reaktsiya boʼldi. 273 ta shunday holat aniqlanib, umumiy koʼrsatkichning 17 foizini tashkil etgan. Ikkinchi keng tarqalgan nojoʼya reaktsiyalar jigar va oʼt yoʼllari kasalliklari boʼldi - 203 ta xabarda, keyingi oʼrinda oshqozon-ichak kasalliklari - 191 ta xabarda. Immunitetning tushishi, qon va limfa tizimining buzilishi, inyektsiya joyidagi reaktsiyalar va umumiy buzilishlar ham qayd etilgan.

Shu bilan birga, xabarlarning deyarli uchdan bir qismi "jiddiy" reaktsiya mezonlariga javob beradi, deydi ekspertlar. Ular orasida: nafas olish yetishmovchiligi, toshma toshishi, oʼpka emboliyasi va allergik shish koʼrsatilgan.

Salbiy reaktsiyalarning oqibatlari

Reaktsiyalar natijasida bemorning oʼlimi koʼrsatilgan 125 ta hisobot aniqlangan, bu 14% ni tashkil etadi. Biroq, ekspertlar tomonidan oʼlim COVID-19 ning ogʼirligi va rivojlanishi bilan bogʼliqmi yoki dori vositalariga salbiy taʼsir koʼrsatishi bilan bogʼliqmi - bu koʼrsatilmagan. Xabar qilingan hodisalar orasida nafas yetishmovchiligi (30 ta xabar), oʼpka emboliyasi (13), oʼtkir respirator distress sindromi (20), sepsis va septik shok (17) va organ yetishmovchiligi (15) mavjud.

Maʼlumotlarga koʼra koronavirus infektsiyasini davolash paytida salbiy reaktsiyalarning aksariyati xavfsiz tarzda tugagan. 39% hollarda "Covid" dori-darmonlariga salbiy reaktsiyalardan tiklanish sodir boʼlgan, 14% hollarda yaxshilanish kuzatilgan, bemorlarning 6 foizida vaziyat oʼzgarmagan - 53 ta hisobot buni tasdiqladi.