Оғиз орқали юбориладиган вабога қарши вакцинанинг бир дозаси камида 36 ой давомида ҳимоя қилади
Aфриканинг вабо эндемик шаҳридаги эмлаш кампанияси Eubiologics вакцинасининг бир дозаси инфекциядан уч йил давомида етарли даражада ҳимоя қилишини аниқлади. Жон Хопкинс университетининг эпидемиология бўлими аъзоси, доктор Эспоир Бвенге Малембака Healio ресурсига берган изоҳида, ҳозирги вақтда оғиз орқали вабога қарши вакцинанинг бир марталик дозаси, айниқса 5 ёшгача бўлган болаларни ҳимоя қилишининг кучи ва давомийлиги тўғрисида етарли далиллар мавжуд эмас.
Унинг сўзларига кўра, Конго Демократик Республикасининг Увира шаҳри мамлакатда вабо тарқалиш марказларидан бири ҳисобланади. 2020 йилда вабога қарши оммавий эмлашда Euvichol-Plus оғиз вакцинасидан фойдаланилган, иммунизация қилинганларнинг аксарияти ушбу препаратнинг битта дозасини олган.
Малембак жамоаси вабо билан касалланган беморларни рўйхатга олган ҳолда назорат тадқиқотини ўтказди. Назорат гуруҳи икки хил даврда кузатилган тегишли демографик профилга эга шахслардан иборат эди: 10.14.2021 дан 03.10.2022 йилгача (эмлашдан кейин 12-17 ой) ва 21.11.2022 дан 18.10.2023 гача (эмлашдан кейин 24-36 ой).
Ҳаммаси бўлиб, тадқиқотда вабо билан касалланганлиги тасдиқланган 658 бемор ва назорат гуруҳидан 2274 киши иштирок этди.
Ҳисоб-китоблар бир дозали вакцинанинг самарадорлиги :
-52,7% эмлашдан 12-17 ой ўтгач- ва 44,7% эмлашдан кейин 24-36 ой эканлигини кўрсатди
Тадқиқот шуни кўрсатдики, 5 ёшгача бўлган болаларда эмлашдан кейинги дастлабки 12-17 ой ичида ҳимоя даражаси худди кекса беморларда бўлгани каби бўлади. Малембакнинг сўзларига кўра, тадқиқот вакцинасидан фойдалангандан уч йилдан кейин ҳимоя даражаси сезиларли даражада - 32,9% гача камайганлигини кўрсатган.
- 31 Январь, 13:46
-
Батафсил
