Ҳиндистонда заҳарли моддалар бўлган яна иккита сироп топилди
Ҳиндистоннинг Дори-дармон стандартлари ва назорати марказий бошқармаси (CDSCO) Norris Medicines компаниясининг йўталга қарши сиропи ва аллергияга қарши сиропи таркибида заҳарли моддалар борлигини аниқлади. Бир неча ой олдин Ҳиндистонда ишлаб чиқарилган йўтал сиропларини истеъмол қилган 141 та бола вафот этгани маълум бўлган эди.
Уларда диетилен гликол ва этилен гликол борлиги аниқланган - ўтган йилнинг ўрталарида Гамбия, Ўзбекистон ва Камерунда ўлимга сабаб бўлган йўтал сиропларида бўлган бир хил моддалар. Дориларда диетилен гликол ва этилен гликол масаласи сўнгги икки йил ичида биринчи марта CDSCO ойлик ҳисоботларида пайдо бўлди. Мамлакатда улуши 42 миллиард долларга яқин бўлган кичик фармацевтика ишлаб чиқарувчиларни йопиш бўйича фаол сиёсат олиб борилмоқда.
Гужарат штатининг озиқ-овқат ва фармацевтика бошқармаси ходими Ҳ.Г. Кошианинг сўзларига кўра, ўтган ой Norris заводини текширишдан сўнг, агентлик ишлаб чиқаришни тўхтатиб туришга ва чиқарилган дори-дармонларни қайтариб олишга қарор қилди.
CDSCO лаборатория синовларига кўра, Trimax йўтал сиропи таркибида 0,118% этилен гликол, Sylpro Plus аллергия сиропида 0,171% этилен гликол ва 0,243% диетилен гликол мавжуд. Шу муносабат билан, сироплар сифатсиз дори воситалари, қалбаки дори воситалари, шунингдек, критик миқдорда заҳарли моддаларни ўз ичига олган дори воситалари рўйхатига киритилди. Рўйхат август ойида идора веб-сайтида эълон қилинган. Кошиа, Norris йўтал сиропини баъзи мамлакатларга экспорт қилганини айтди, аммо айни қайси мамлакатларга эканлиги маълум эмас.
Жаҳон соғлиқни сақлаш ташкилоти (ЖССТ) халқаро стандартларга кўра, бундай моддаларнинг рухсат этилган максимал миқдори 0,10% дан ошмаслик кераклигини таъкидлади.
- 6 Октябрь, 12:05
-
Батафсил
