Улар мамлакатга ҳинд женерикининг партиясини - бактериал инфекцияларни даволаш учун рецепт бўйича бериладиган антибиотик етказиб беришга ҳаракат қилишди. Росздравнадзорнинг лаборатория тадқиқотлари дори сифатсиз эканлигини кўрсатди.

"Росздравнадзор лабораториясига “ДжодасЭкспоим Пвт. Лтд.” (Ҳиндистон) томонидан ишлаб чиқарилган "Цефепим + Сульбактам, томир ичига ва мушак ичига юбориш учун эритма тайёрлаш учун кукун" препаратининг 12 партияси қабул қилинди. Препаратнинг аксарият партияларида кучли нейротоксиклик қайд этилган. Синов натижаларига кўра, "Ғайритабиий токсиклик" кўрсаткичи учун номувофиқлик аниқланди. Бундан ташқари, синовлар давомида "Н-метилпиролидин" индикатори бўйича усулнинг такрорланмаслиги аниқланди", деб хабар берди Росздравнадзор матбуот хизмати.

"Честный знак" давлат маркировкалаш тизими оператори 51 612 доналик партияни муомалага чиқарилишидан олдин (Россия чегарасида) блоклаб қўйди ва ушбу дори учун маркалаш кодларини бериш тўхтатилди.

"Бир дона ҳам антибиотиклар муомалага киритилмаган. Блоклаш ушбу хавфли препаратни сотишга уринишларнинг олдини олишга ёрдам беради. Aгар сотувчи тақиқни четлаб ўтишга ҳаракат қилса, тизим савдо иштирокчиларини дори прерапатининг савдоси чекланганлиги ҳақида хабардор қилади ва ҳар қандай чора кўришга рухсат бермайди. Бу истеъмолчиларни ҳимоя қилиш учун маркалаш тизимидан муваффақиятли фойдаланишнинг биринчи мисоли эмас. Шундай қилиб, Biocad маълумотларига кўра, онкологик дорилар сегментида ноқонуний савдо 10 баравар камайган.", - деди Егор Жаворонков, "Честный знак" давлат маркировкалаш тизимининг оператори.