Ўргимчак заҳаридаги пуротоксинлар асосида оғриқ қолдирувчи восита ишлаб чиқилди
«Анальгетики будущего» компанияси Thomisus onustus номли ўргимчак заҳаридан олинган моддага асосланган инновацион оғриқ қолдирувчи воситанинг клиникадан олдинги синовларини якунлади.
Препарат пуротоксин-6 (PT6 ёки FA006) деб номланди. Бозорга киришнинг тахминий санаси 2029 йил бўлиб, нейропатик оғриқли 8 миллиондан ортиқ беморни қамраб олиши мумкин.
Пуротоксин махсус оғриқ рецепторларини ( P2X3) блоклайди. P2X3 остеоартрит, цистит, тригеминал невралгия ва мигрен, шунингдек, сурункали йўтал каби ҳолатларда оғриқнинг ривожланишида асосий рол ўйнайди.
Ҳозирги вақтда P2X3 рецепторларига таъсир қилувчи фақат битта дори мавжуд бўлиб, у Европа Иттифоқи, Швейцария ва Японияда рўйхатга олинган. Бироқ, бу дори таъм сезгиларининг бузилиши (дисгеузия) билан боғлиқ ён таъсирга эга.
"Пуротоксин-6 P2X3 рецепторларига самарали таъсир қилади. Биз буни кўплаб синовларда кўрдик - изоляция қилинган сенсорли нейронларда, рекомбинант рецепторларда, шунингдек, генетик жиҳатдан ўзгартирилган сичқонлари ёрдамида. Муҳими, FA006 дисгеузияга олиб келмайди, яъни унинг ножуя таъсирлари йўқ."- дейди компания асосчиси, тадқиқот раҳбари Aлександр Василевский.
Оғриқ қолдирувчи восита тери остига инъекция учун эритма бўлиб, кўп дозалаш учун шприцли қалам шаклида чиқарилади.
Тиббиётда инновацион технологияларнинг ривожланиши даволанишга ёндашувларни ўзгартириш ва беморларнинг ҳаёт сифатини яхшилашда муҳим рол ўйнайди. Хусусан, аналгезикларнинг янги синфини ишлаб чиқиш ён таъсирларни минималлаштириш билан бирга даволаш самарадорлигини оширади."- дейди мутахассислар.
«Анальгетики будущего» ФA006 нинг клиникагача бўлган барча тадқиқотларини якунлади. Тадқиқот натижалари нуфузли Molecular Therapy журналида чоп этилган.
Мутахассислар ҳайвонларда ўтказилган тадқиқотларда ФA006 кўпчилик пептид бирикмаларига хос бўлмаган, таъсир қилиш муддатининг узоқ ва барқарорлигини, самаралироқ, қулайроқ ва юқори хавфсизликни кўрсатганлигини таъкидлади.
Резидент 2025 йилда клиник синовларни бошлашни режалаштирмоқда. Aгар синовлар муваффақиятли бўлса, бозорда ножўя таъсир кўрсатмайдиган, ҳамда барча мавжудларидан тузилиши ва ҳаракат механизми билан фарқ қиладиган аналгетик пайдо бўлади.
