09:33 (24.01.2023)

1505

Oʼzbekistonda tuberkulyoz bilan kasallangan 18 ming bemor dori bilan taʼminlanadi

“2023–2026 yillarda ftiziatriya va pulьmonologiya xizmatini yanada rivojlantirishga qaratilgan chora-tadbirlar toʼgʼrisida”gi Prezident qarori (PQ–12-son, 20.01.2023 y.) qabul qilindi

Hujjat koʼra, 2023 yil 1 yanvardan boshlab:
- latent tuberkulyoz infektsiyasiga skrining tekshiruvlari sonini 1 milliontagacha yetkaziladi.
-bu kasallikka chalingan shaxslarni profilaktik davolash qamrovini 21 mingtagacha oshiriladi.
-tuberkulyoz mikrobakteriyasini tezkor gen-molekulyar tashxislash qamrovini 120 mingtagacha yetkaziladi.
-tuberkulyoz bilan kasallangan 18 ming nafar bemorni dori vositalari bilan taʼminlanadi.

Xususan:
a) 1-qator (doriga sezuvchan tuberkulyoz bilan kasallangan bemorlar) – 15 ming;
2 va 3-qatorlar (doriga rezistent tuberkulyoz bilan kasallangan bemorlar) – 3 ming (2020-y. – 1,9 ming, 2021-y. – 2,3 ming);

b) tuman tibbiyot birlashmasi tomonidan aholi orasidan tuberkulyoz bilan kasallanishga moyilligi boʼlgan xavf guruhiga mansub shaxslar roʼyxati shakllantiriladi hamda:
- oʼsmirlar va kattalar rentgenologik (yiliga 3,5 million);
- bolalar immunologik (yiliga 520 ming) tekshiruvdan oʼtkaziladi.

2023 yil 1 fevralga qadar ftiziatriya kasalligining Yagona elektron reestri ishlab chiqiladi. Xavf guruhidagi mahkumlar bilan bevosita aloqada boʼlayotgan ichki ishlar xodimlarini yillik koʼriklar doirasida latent tuberkulyoz infektsiyasiga skrining oʼtkazish tartibi joriy etiladi.

Нажмите на кнопку ниже, чтобы прослушать текст Powered by GSpeech