2023 yil 1 avgustdan ayrim tibbiyot muassasalarida quyidagi lavozimlari joriy etiladi.

• tuman (shahar) koʼp tarmoqli markaziy poliklinikalarida – tibbiy psixolog;

• statsionar oʼringa ega boʼlmagan ruhiy-asab kasalliklari dispanserlari va tarkibida dispanser mavjud boʼlgan ruhiy kasalliklar shifoxonalarida – suitsidolog;

• statsionar oʼringa ega boʼlgan ruhiy-asab kasalliklari dispanserlari va ruhiy kasalliklar shifoxonalarida – qabul boʼlimi shifokori, navbatchi psixiatr, tibbiy psixolog yoki psixoterapevt shtatlari.

023/2024 oʼquv yilidan “Psixiatriya”, “Tibbiy psixologiya” va “Narkologiya” klinik ordinatura va magistratura mutaxassisliklariga qabul faqat davlat granti asosida umumiy qabul parametrlari doirasida amalga oshiriladi.

2023 yil 1 iyuldan tuman (shahar) koʼp tarmoqli markaziy poliklinikalaridagi psixiatr hamda psixiatriya davolash muassasalaridagi psixiatr, tibbiy psixolog, psixoterapevt hamda suitsidologlarning lavozim maoshiga ustama miqdori 25 foizdan 50 foizga oshiriladi.