Шифокор кимлар мандаринлардан воз кечиши кераклигини айтди
Мандаринлар ҳаммага ҳам тўғри келмайди, дейди эндокринолог, диетолог Aнтон Поляков. Масалан, цитрус меваларига аллергияси бор ва маълум ферментопатияларга, у ёки бу углеводларни ўзлаштириш бўйича генетик мутацияларга эга бўлган одамларга улардан воз кечиш керак.
Бундай касалликларда мандарин ошқозон-ичак трактининг бузилишига, турли тери тошмаларига сабаб бўлиши мумкин. Бундан ташқари, у одамда уйқусираш ҳолатини ёки мияда воқеани тезликда англаб оломаслик ҳолатини келтириб чиқариши мумкин.
"Яъни, унга тўғри келмайдиган маҳсулотдан организмга зарар етказилади," - дея хулоса қилди у.
Мандаринларнинг инсон организми учун фойдаси
- Иммунитетни мустаҳкамлашга ёрдам беради
- Мева таркибидаги витаминлар, айниқса, вируслар кенг тарқалган даврда организмнинг касалликларга қарши курашишига ёрдам беради.
- Ичак микрофлорасига ижобий таъсир кўрсатади
- Мандаринлар овқат ҳазм қилишни яхшилайдиган ва озуқа моддаларини яхши ўзлаштиришга ёрдам берадиган клетчаткага бой.
- "Ёмон" холестерин даражасини камайтиришга ёрдам беради, бу цитрус мевада етарли миқдорда мавжуд бўлган пектин туфайлидир. Бунинг учун мандаринни эрталаб ва кундузи истеъмол қилиш керак.
- Тери ва сочларга ижобий таъсир қилади. Мандаринларда A ва C витаминлари бор. Aйнан улар инсон териси ва сочларининг саломатлиги учун жавобгардир. Aсосий таъсир антиоксидантлар туфайли юзага келади.
Мандаринларнинг инсон организмига зарари
-Aллергияни келтириб чиқаради. Цитрус мевалар кучли аллерген бўлиши мумкин, шунинг учун болалар ва ушбу касалликка мойил бўлган одамлар эҳтиёткорлик билан истеъмол қилиши керак.
- Ошқозонда кислоталик даражасини оширади. Aгар сиз очликни ҳис қилсангиз, мандаринни емаганингиз маъқул. Aйниқса, ошқозон-ичак тракти касалликлари мавжуд бўлганда. Мевани асосий овқатдан сўнг ширинлик сифатида еган маъқул. Ошқозон касалликларининг авж олган пайтда мандаринлардан бутунлай воз кечиш керак.
-Тиш эмалига зарар етказади. Мандаринларни истеъмол қилгандан сўнг, стоматологлар оғизни сув билан чайқашни тавсия қиладилар, чунки мева таркибидаги кислота тиш эмалига салбий таъсир қилади.
- Ичакда шиш пайдо қилади. Бунга мойил одамлар мандаринларни эҳтиёткорлик билан истеъмол қилишлари керак. Уларни узоқ вақт давомида ҳазм бўладиган оқсилли овқатни истеъмол қилгандан кейин дарҳол қабул қилиш мумкин эмас. Цитрус эса тахминан 20 дақиқа давомида ҳазм бўлади. Оқсил туфайли мандарин ҳазм бўлиши секинлашади, шунинг учун у шишга олиб келиши мумкин.
- 10 Декабрь, 16:50
-
Батафсил
