Қуёш кўзойнаклари қанча тўқ бўлса шунча яхшими?
Шифокорнинг айтишича, барча қора кўзойнаклар ултрабинафша нурланишдан ҳимоя қилмайди.
Ёзда, ултрабинафша нурланишининг интенсивлиги ошганда, кўзимизни қуёшдан сақлайдиган асосий аксессуар бу кўзойнаклардир. Шу билан бирга, линзаларнинг тўқ ранги кўзни ҳимоя қилишни кафолатламайди. Бу ҳақда олий тоифали офталмолог Ирина Лешченко маълум қилди.
"Баъзи одамлар кўзойнакнинг линзалари қанчалик тўқ бўлса, улар ултрабинафша нурланишидан шунчалик яхши ҳимоя қилади деб ўйлашади, аммо бунинг бунга ҳеч қандай алоқаси йўқ. Бу шунчаки ранг, ултрабинафша нурларидан эса бошқа компонентлар ҳимоя қилади. Бунинг учун линзаларда махсус нур ўтказмайдиган қопламали бўлиши керак. Буни кўзойнак сертификатидан текшириш мумкин ", дейди у.
Қуёш кўзойнакларини ишлатишдан бош тортиш катарактага ва бошқа жиддий касалликларга олиб келиши мумкин. "Ранги 20% дан ортиқ тўқартирилинган линзаларни ишлатиш тавсия этилмайди, бу тасвирни жуда қоронғи қилади, кўриш қобилиятини пасайтиради ва кўзга зарар бўлиши мумкин. Одатда ишлаб чиқарувчилар буни ҳисобга олишади. Шунингдек, сиз қуёшдан сақлайдиган кўзойнакни бино ичида тақмаслигингиз керак. Иккала ҳолатда ҳам биз ёруғликни сунъий равишда камайтирамиз ва бу кўриш кескинлигини ёмонлаштириши мумкин ", - деди Лешченко.
