Милк яллиғланиши хавфли касалликка сабаб бўлиши мумкин
Доктор Гусева: милк яллиғланиши юрак муаммоларини келтириб чиқариши мумкин
Милк касаллигига сабаб бўлган бактериялар юрак касалликлари ва бошқа соғлиқ билан боғлиқ муаммоларга сабаб бўлиши мумкин- бу ҳақда шифокор, Пирогов университети стоматология институти директори ўринбосари Ольга Гусева “Газета.Ру”га маълум қилди.
Энг кенг тарқалган тиш касалликлари кариес ва пародонтит (тишни ўраб турган тўқималарнинг яллиғланиши). Уларнинг асосий сабаби микроорганизмлардир.
“Пародонтитни келтириб чиқарадиган бактериялар милк тўқимасини йўқ қилади, натижада бу бактерияларни қон томирларига кириб, бутун танага тарқалишига имкон беради. Шундай қилиб, бактериялар қон оқими билан юрак, буйрак ва бошқа органларга етиб боради. Микроорганизмлар қон томирлари ва юракнинг атеросклеротик плиталарига жойлашиб, яллиғланишни, шу жумладан юрак мушагини келтириб чиқариши мумкин. Бактерияларнинг қон оқимида бўлиши юрак ишемик касалликларини ривожланиш хавфини сезиларли даражада ошириши мумкин, - деди шифокор.
Пародонтитда топилган бактериялар нафақат юрак-қон томир патологиясини, балки диабет, пиелонефрит, ревматоид артрит, Aльцгеймер касаллиги, оғиз бўшлиғи, қизилўнгач, ичак саратони ривожланишига ҳисса қўшиши мумкин.
«Оғиз гигиенасига қатъий амал қилиш пародонтит ривожланишининг олдини олишнинг энг муҳим омилидир. Тиш гигиенаси нафақат чўтка ва тиш пастасидан, балки тиш бўшлиқлари ва ёнларини тозалайдиган махсус маҳсулотлардан фойдаланишни талаб қилади ва бу маҳсулотлар тиш шифокори томонидан индивидуал равишда танланиши керак ", - дея хулоса қилди шифокор.
