Дунёда сунъий интеллект технологиялари асосида 10 га яқин дори воситалари ишлаб чиқилмоқда
Aкадемик Евгений Шляхтонинг маълум қилишича, дунёда сунъий интеллект (СИ) технологиялари асосида ўнга яқин дори воситалари ишлаб чиқилмоқда. У бу ишларни нафақат йирик фармацевтика компаниялари, балки ИТ гигантлари ҳам амалга ошираётганини таъкидлади.
Шляхтонинг таъкидлашича, сўнгги йигирма йил ичида янги антибиотиклар рўйхатдан ўтказилмаган, аммо СИ аллақачон янги антибиотикни таклиф қилган, у ҳозирда клиник синовларнинг учинчи босқичида.
Унинг қўшимча қилишича, сунъий интеллект ушбу препаратни ишлаб чиқиш учун ўн миллионлаб беморларнинг маълумотларини таҳлил қилган. Aкадемик, шунингдек, СИ электрон тиббий карталарни таҳлил қилиш, дори воситаларининг фармакинетик имкониятларини ўрганиш, прогноз моделларини қуриш каби тиббий амалиётнинг баъзи жиҳатлари бўйича аллақачон шифокорлардан ўтиб кетганини таъкидлади.
- 12 Декабрь, 15:00
-
Батафсил
