2024 йил 9 ойи мобайнида Фармацевтика маҳсулотлари хавфсизлиги марказига ҳуқуқни муҳофаза қилиш органлари ва тиббиёт ташкилотлари ҳамда фуқаролар томонидан дори воситалари ва тиббий буюмларни экспертиза қилиш учун 1 479 та (2023 йилнинг ушбу даврига нисбатан 1,06 баравар кўп) мурожаат келиб тушган. 

Бу ҳақда марказ матбуот хизмати хабар бермоқда.

Лаборатория таҳлиллари натижасига кўра, 12 600 номдаги 113 300 ўрамдан:

- 6527 номдаги 63 935 ўрам — дори воситаларининг мувофиқлик сертификатлари мавжуд эмаслиги;

- 110 номдаги 695 ўрам — дори воситаларининг ёрлиқлаш кўрсаткичи бўйича номувофиқ эканлиги;

- 907 номдаги 2646 ўрам — дори воситаларининг яроқлилик муддати тугаган, сифатсиз эканлиги;

- 67 номдаги 5492 ўрам — дори воситаларини қалбакилаштирилганлиги ва уларни тиббиёт амалиётида қўллаш мумкинмаслиги бўйича хулоса берилди.

Ҳамда сифати кафолатланмаган мазкур дори воситаларининг юртимиздаги ноқонуний айланмасига чек қўйилди.