Янгиликлар

not found

Соғлиқни сақлаш вазирлиги жазирама кунларда саломатликни қандай сақлаш кераклигини айтди

Йилдан йилга ёз мавсумида ҳаво ҳарорати юқорилаб бормоқда. Албатта, бунга қатор техноген ва табиий омиллар таъсир қиляпти. Бундай шароитда инсонлар аномал иссиқ об-ҳавода яшашга кўникишига тўғри келади. Хўш, ёз чилласини қандай ўтказиш керак? — Иссиқ ҳавода табиий, ёрқин рангдаги, пахта матосидан бўлган кийимларни кийиш мақсадга мувофиқ, — дейди Олмазор тумани тиббиёт бирлашмаси бошлиғи Азизбек Низамов. — Мавсумга мос бундай либослар терининг нафас олишига имкон яратади, тана қизиб кетишининг олдини олади. Иложи борича тўғри тушаётган қуёш нуридан сақланишга ҳаракат қилиш ва бош кийим кийиб юриш лозим. Қуёш нури соат 12:00 дан 16:00 гача жуда фаол ҳолатда бўлади. Шунинг учун бу вақт оралиғида кўчага чиқишни режалаштирмаган маъқул. Аммо ташқарига чиқишга зарурат бўлса, тананинг очиқ жойларини қуёш нуридан асрашга ҳаракат қилиш керак. Иссиқ об-ҳавода организмда сув баланси бузилади ҳамда кўп намлик йўқотилади. Шунинг учун жазирамада кунига 3 литрдан кам бўлмаган миқдорда суюқлик ичиш зарур. Ёз кунлари чанқоқни олча, олма ва нордон мевалардан тайёрланган шарбатлар, айрон ҳамда лимонли сувлар босади. Жазирама кунларда қаҳвадан воз кечган маъқул. Чунки у иссиқ кунда чарчоқни оширади. Ширин ва газланган ичимликлар ҳам тавсия этилмайди. Иссиқ об-ҳавода спиртли ичимликлардан тийилиш керак.

  • 8 Июнь, 16:00
  • Батафсил
not found

Дори воситаларининг клиник тадқиқотлари ўтказилади

Соғлиқни сақлаш вазирининг буйруғи билан Фармакологик воситаларнинг ёки дори воситаларининг клиник тадқиқотларини ўтказиш тартиби тўғрисида низом тасдиқланди (рўйхат рақами 3439, 05.06.2023 й.). Барча янги дори воситалари клиник тадқиқотларнинг ижобий натижаси асосида давлат рўйхатидан ўтказилади, бундан рўйхатда белгиланган дори воситалари мустасно (26.10.2023 йилдаги ПҚ-411-сон қарор). Тасдиқланган Фармакологик воситаларнинг ёки дори воситаларининг клиник тадқиқотларини ўтказиш тартиби тўғрисида низом қуйидагиларни белгилайди: клиник тадқиқотларни ўтказишга рухсатнома олиш тартиб-таомили; клиник базада дори воситаларини синовдан ўтказиш нормалари; клиник тадқиқотларни ўтказиш жараёнида томонларнинг ҳуқуқлари ва мажбуриятлари; клиник тадқиқотлар жараёнида мансабдор шахсларнинг ҳаракатлари (ҳаракатсизлиги) устидан шикоят қилиш ва уни кўриб чиқиш. Соғлиқни сақлаш вазирлигининг 05.06.2023 йилдаги 3440-сон (https://static.norma.uz/doc/doc_7/3440.pdf) буйруғи билан 2025 йил 1 январгача бўлган муддатда давлат рўйхатидан ўтказмасдан, мажбурий сертификатлаш шарти билан тиббиёт амалиётида қўллаш ва олиб киришга рухсат бериладиган, Ўзбекистон Республикасида давлат рўйхатидан ўтказилган аналоглари мавжуд бўлмаган дори воситалари ва тиббий буюмлар рўйхати тасдиқланган. Рўйхат 29 та дори воситалари номи ва 90 та тиббий буюмлардан иборат. Ҳужжатлар Қонун ҳужжатлари маълумотлари миллий базасида эълон қилинган ва 05.06.2023 йилдан кучга кирди.

  • 8 Июнь, 11:46
  • Батафсил
not found

Стационарлар дори воситалари билан қандай таъминланади

Давлат тиббий суғурта жамғармаси орқали молиялаштириладиган республика даражасидаги давлат стационар тиббиёт муассасаларида беморларни дори воситалари ва тиббий буюмлар билан таъминлаш тартиби тўғрисидаги низом тасдиқланди (Соғлиқни сақлаш вазирлиги буйруғи, рўйхат рақами 3438, 31.05.2023 й.). Давлат тиббий суғуртаси жамғармаси орқали молиялаштириладиган республика даражасидаги давлат стационар тиббиёт муассасаларида беморларни дори воситалари ва тиббий буюмлар билан таъминлаш шифохона орқали амалга оширилади (Президентнинг 26.10.2022 йилдаги ПҚ-411-сон қарори). Бунда, алоҳида ҳолатларда шифохонада беморлар томонидан олиб келинган дори воситалари ва тиббий буюмларни ишлатишга рухсат бериш тартиби Соғлиқни сақлаш вазирлиги томонидан белгиланади. Беморларни даволаш учун талаб этиладиган дори воситаларининг тўлиқ ҳажмда харид қилинишини таъминлаш учун шифохоналарда дори воситалари ва тиббий буюмлар хариди бўйича мутахассис лавозими жорий этилади. Шунингдек, шифохоналар томонидан бирламчи зарур бўладиган захиранинг Давлат бюджети ва бюджетдан ташқари маблағлар ҳисобидан шакллантирилиши назарда тутилмоқда. Республика даражасидаги давлат шифохоналарида беморларни дори воситалари ва тиббий буюмлар билан таъминлаш тартиби тўғрисидаги низом қуйидаги нормаларни ўз ичига олади: ➖ тиббиёт муассасаларида дори воситалари ва тиббий буюмларга бўлган эҳтиёжни аниқлаш; ➖ дори воситалари вa тиббий буюмларни харид қилиш ва сақлаш; ➖ беморларни дори воситалари ва тиббий буюмлар билан таъминлаш. Ҳужжат Қонун ҳужжатлари маълумотлари миллий базасида эълон қилинган ва 02.06.2023 йилдан кучга кирди.

  • 8 Июнь, 09:02
  • Батафсил
Нажмите на кнопку ниже, чтобы прослушать текст Powered by GSpeech