“Aдолатли Россия ҳақиқат учун” фракциясининг бир қатор депутатлари Давлат Думасига дори воситаларини уларга патентнинг амал қилиш муддати давомида етказиб бериш бўйича давлат шартномалари муддатини чеклаш тўғрисидаги қонун лойиҳасини тақдим этишди. Ҳужжат парламент қуйи палатасининг электрон маълумотлар базасига жойлаштирилган.

Тушунтириш хатида айтилишича, патент муддати бир неча ой ичида тугайдиган дори воситаларини уч йил муддатга етказиб бериш бўйича давлат шартномаларини тузиш одатий ҳол эмас. Узоқ муддатли шартномалар туфайли давлат импорт қилинадиган дори-дармонларни 40 фоиз оширилган нархларда сотиб олишга мажбур. Биргина 2022 йилда вирусга қарши воситалар, саратон препаратлари, иммунодепрессантлар ва интерферонларни харид қилишда бюджет харажатлари 2,5 миллиард рублдан ортиқни ташкил қилади.

“Ўзгартиришларнинг амалга оширилиши фармацевтика бозорида рақобатни кучайтиради ва фуқароларга сифатли дори воситаларини танлаш имкониятини кенгайтиради”, — деди фракция раҳбари Сергей Миронов партиянинг телеграм-каналида.