Стероид бўлмаган яллиғланишга қарши дорилар оғриқ ва иситмани йўқотиш учун бир марта қўлланилади ва яллиғланиш жараёнлари ва сурункали оғриқлар учун узоқ курсларда буюрилади. Кўпгина ижобий таъсирлар билан бир қаторда, бундай дорилар бир қатор ён таъсирга эга. Aфсуски, агар фаол модда ва унинг дозаси нотўғри танланган бўлса ёки одамнинг соғлиғи билан боғлиқ муаммолар мавжуд бўлса, дорилар жиддий муаммоларни келтириб чиқариши мумкин.

Парацетамол оғриқ билан курашиш учун энг хавфсиз доридир. Бу ҳақда шифокор ва телебошловчи Aлександр Мясников маълум қилди.

Унинг сўзларига кўра, беморлар асосан стероид бўлмаган яллиғланишга қарши дориларни (аспирин, аналгин, ибупрофен ва бошқалар) қабул қилишади. Бу дорилар жуда кўп ён таъсирга эга: гипертония, инфаркт, инсульт, баъзан юрак-қон томир касалликлари кечишини ёмонлаштиради .

Aгар бирор жойингиз оғриётган бўлса, доимий равишда оғриқ қолдирувчи воситаларни қабул қилишингиз керак бўлса, у ҳолда парацетамолни қабул қилинг. Парацетамол ҳам стероид бўлмаган доридир, аммо юрак ва ошқозон-ичак тракти учун ножўя таъсирларни келтириб чиқармайди.