ФДA Penbraya вакцинасини тасдиқлади. Pfizer препарати менингококк касаллигини келтириб чиқарадиган бактерияларнинг бешта серотипидан ҳимоя қилиш учун мўлжалланган.

Aмерика регулятори ФДA Pfizer нинг Penbraya вакцинасини тасдиқлади. Бу менингит ва қон заҳарланишига олиб келиши мумкин бўлган бешта серогруп бактериялардан ҳимоя қилувчи биринчи дори, дейилади компания сайтида.

Менингококк касалликлари кам учрайдиган бактериал инфекциялар бўлиб, улар одатда мия, орқа мия ва қон айланишига таъсир қилади ва ўлимга олиб келиши мумкин. Penbraya пентавалент вакцина менингококк бактерияларининг кенг тарқалган бешта гуруҳидан - A, B, C, W ва Y - ҳимоя қилади.

Pfizer ҳозирда касалликдан ҳимоя қилиш учун иккита вакцинани сотмоқда: Trumenba - В штаммига қарши ва Nimenrix қолган тўртта бактериялар гуруҳидан ҳимоя қилади. Penbraya ушбу икки вакцинанинг таркибий қисмларини бирлаштиради ва 10 ёшдан 25 ёшгача бўлган одамларда фойдаланиш учун тасдиқланган. Олти ойлик интервал билан икки дозада кетма-кет берилади.

Pfizer нинг йиллик ҳисоботига кўра, ўтган йили Trumenba вакцинаси сотилиши 123 миллион доллар, Nimenrix нинг эса 268 миллион доллар ташкил қилган.

Менингококк вакцина бозорида Trumenba билан GSKнинг Bexsero вакцинаси рақобатлашмоқда. Бундан ташқари, GSK Bexsero ва Menveoни бирлаштирган беш валентли менингококк вакцинасини ишлаб чиқмоқда.