АҚШ озиқ-овқат ва фармацевтика идораси (ФДА) туғилгандан олти ойгача бўлган болаларда пастки нафас йўллари инфекцияларининг олдини олиш учун ҳомиладор аёллар учун респиратор синситиал вирусга қарши Pfizerнинг«Абрисво» (Abrysvo) вакцинасидан фойдаланишни тасдиқлади. Кўрсатмаларга кўра, аёлни 32 ҳафталикдан 36 ҳафтагача эмлаш мумкин. Бу ҳақдаги эълон бошқарма сайтида эълон қилинди.

Клиник тадқиқотларда «Абрисво» оғир пастки нафас йўллари инфекцияси хавфини туғилгандан кейин уч ой ичида 81,8 фоизга ва туғилгандан кейин олти ой ичида 69,4 фоизга камайтирди. Ҳар қандай респиратор-синситиал вирус инфекцияси хавфи уч ойдан кейин 34,7 фоизга ва олти ойдан кейин 57,3 фоизга камайди.

Шу билан бирга, янги туғилган чақалоқларда эрта туғилиш ва сариқлик вакцина гуруҳида тез-тез учрайди, аммо, мавжуд маълумотлар вакцина ва ушбу ҳодисалар ўртасидаги сабабий боғлиқликни аниқлаш ёки истисно қилиш учун этарли эмас.

2023 йил май ойида ФДА Абрисвони 60 ёшдан ошган қарияларда фойдаланиш учун тасдиқлаганди.