Эпилепсия сурункали неврологик касаллик бўлиб, у тананинг тўсатдан ҳужумга мойиллигида намоён бўлади. ЖССТ маълумотларига кўра, эпилепсия дунёдаги энг кенг тарқалган неврологик касалликлардан биридир: 50 миллионга яқин одам эпилепция таъсирида. Эпилепсия билан оғриган одамларнинг 70 фоизи тўғри ташхис қўйилса ва даволанса, тутқаноқсиз яшаши мумкин.

Эпилепсия диагностикасининг асосий вазифаларидан бири тутқаноқ турини ва унинг сабабларини аниқлашдир. Одатда, бу беморни шифохонада узоқ (бир неча кунгача) кузатишни талаб қилади, электроэнцефалография (ЭЭГ) ёрдамида мия фаолияти қайд этилади. Шундан сўнг, шифокор олинган маълумотларни таҳлил қилишни бошлайди, эпилепсия белгиларини аниқлайди, тубиийки бу кўп вақтни талаб қилади ва натижаларнинг объективлигига сезиларли таъсир кўрсатиши мумкин.

Болтиқ федерал университети олимлари сунъий интеллект (AI) ва эпилепсия физиологияси бўйича эксперт билимларини бирлаштирган каскад тизимидан фойдаланишга асосланган янгича эпилепсия диагностикасини таклиф қилишди. Уларнинг фикрича, бу усул электроэнцефалограммаларда эпилептик тутилишларни аниқлашнинг аниқлигини сезиларли даражада ошириш имконини беради.

"Тизим эпилептик тутилишлар бўлиши бўлган жойларни белгилайди ва қайд ёзувининг дастлабки таҳлилини амалга оширади. Кейин шифокор тизим томонидан белгиланган жойларни текширади, унинг хулосаларини тасдиқлайди ёки рад этади", - дейди Болтиқбўйи Нейротехнологиялар ва сунъий интеллект марказининг катта илмий ходими Вадим Грубов - Шу билан бирга, шифокор автоматик таҳлил ва эксперт баҳосининг бундай комбинацияси туфайли таҳлил вақтини сезиларли даражада қисқартириш (90-95% гача) билан юқори диагностика аниқлигига эришиш мумкин, деган фикрни билдирди.

Тадқиқот муаллифлари, олинган натижалар эпилептологларнинг ишини осонлаштириши ва тиббий қарорларни қўллаб-қувватлаш тизимларининг бир қисми сифатида клиник амалиётда қўлланилиши мумкинлигига ишонишади.

Тадқиқотда тасвирларни таснифлашда кенг қўлланиладиган чуқур ўрганиш усуллари, яъни конволюцион нейрон тармоқлари қўлланилган.

Таклиф этилаётган усулни катта ҳажмдаги клиник таҳлилларда синаб кўриш режалаштирилган.