Aмериканинг Johnson & Johnson фармацевтика холдинги AҚШнинг 42 штатига 700 миллион доллар тўлайди, деди компаниянинг молиявий директори Жозеф Уолк he Wall Street Journal нашрига берган интервюсида.

Топ-менежернинг таъкидлашича, ушбу даъволарни ҳал қилиш компания учун "муҳим қадам" бўлиб, "бу масалани ортда қолдиришга" имкон беради.

2023 йил июл ойида суд ҳайъати компания маҳсулотларидан фойдаланиш туфайли саратон касаллигига чалинганини даъво қилган 24 ёшли Калифорниялик Эмори Эрнандес Валадесга Johnson & Johnson 18,8 миллион доллар тўлаши керак деган қарор чиқарган эди. Болалигидан ушбу маҳсулотдан фойдаланган Эрнандесга юрак атрофидаги тўқималарнинг саратони - мезотелиёма ривожланган.

Johnson & Johnson- бутун дунё бўйлаб 250 дан ортиқ шўъба корхоналарига эга холдинг компаниядир. Улар дори-дармонлар, санитария-гигиена воситалари ва тиббий асбоб-ускуналар ишлаб чиқаради. Хусусан, Johnson & Johnson ўзининг коронавирусга қарши вакцинасига эга.

2018 йил декабр ойида Reuters агентлиги 1950-йилларнинг охиридан бери болалар упаси бўлган Johnson's Baby да вақти-вақти билан асбест излари топилаётганлиги ҳақида маълумот эълон қилганди. Aгентлик маълумотларига кўра, 1970-йиллардан 2000-йилларга қадар талк хом-ашёси ва тайёр кукун ҳам вақти-вақти билан асбест учун синовдан ўтган ва намуналар олинган. Aсбест кансероген бўлиб, ўпка, ҳалқум ва тухумдонлар саратони, шунингдек мезотелиома (плевра ва қорин парда саратони) ни келтириб чиқариши мумкин.

Компания раҳбарлари, менежерлар, олимлар, экспертлар ва корпоратив ҳуқуқшунослар муаммодан хабардор бўлган, лекин бу ҳақда тегишли назорат органларига ва жамоатчиликка хабар беришмаган.

Бир нечта суд жараёнлари сабаб J &J 2020 йилда AҚШ ва Канадада Johnson's Baby ни сотишни тўхтатди, лекин бу даъволарни компания асоссиз деб ҳисоблаган. 2023 йилда J & J талк асосидаги чақалоқ упасини ишлаб чиқаришни тўхтатиб, энди уни жўхори крахмали асосида ишлаб чиқаришини эълон қилди.