Тадқиқотлар шуни кўрсатдики, паст дозали кетаминнинг бир марталик инъекцияси туғруқдаги оналарга туғруқдан кейинги депрессиядан сақланишга ёрдам беради.

Ҳомиладорлик пайтида ва туғруқдан кейинги депрессия аёлларда глобал саломатлик муаммоси ҳисобланади. Шифокорлар туғруқ пайтида аёлларни даволашнинг янги усулларини фаол ўрганмоқдалар. AҚШ ва Хитойдан бўлган гуруҳ томонидан олиб борилган тадқиқотлар янги туққан оналар учун психиканинг самарадорлигини кўрсатди. Шундай қилиб, уларнинг маълумотларига кўра, бола туғилгандан сўнг дарҳол берилган паст дозада S-кетаминнинг бир марталик инъекцияси олдин пренатал депрессияга учраган аёлларда депрессиянинг сонини сезиларли даражада камайтиради.

Хитой туғруқхоналарида 2 йил давом этган тадқиқотда, шифокорлар тахминан 32 ёшли 361 нафар психиатрик ташхиси йўқ оналарни текширишди. Aёлларни икки гуруҳга бўлишди: биринчи гуруҳ S-кетамин, иккинчисига туғишдан тахминан 40 дақиқа ўтгач плацебо инъекцияси қилинди. Кейин иштирокчиларидан уларнинг аҳволи ҳақида сўров - туғруқдан 18-30 соат ўтгач, бир ҳафта ўтгач ва ниҳоят, 42-кун ўтгач ўтказилди. S-кетаминни қабул қилган оналарнинг атиги 6,7 фоизи, плацебо олган аёлларнинг 25,4 фоизи жиддий депрессияни бошдан кечирган. Тўғри, баъзи оналар кетамин инъекциясидан кейин ён таъсирга дуч келишган, лекин 24 соат ичида бу ўтиб кетган.

Статистик маълумотларга кўра, ҳар ўнинчи ёш она кучли қайғу, ташвиш ва чарчоқ ҳиссиётларини бошдан кечиради. Бу ҳолат одатда туғруқдан икки-уч кун ўтгач бошланади ва бир неча ой давом этиши мумкин. Бошқа аломатлар уйқусизлик, иштаҳани йўқотиш, қаттиқ асабийлашиш ва бола билан мулоқот қилишда қийинчиликларни ўз ичига олади. Камдан кам ҳолларда туғруқдан кейинги психоз деб аталадиган оғир бузилиш ривожланиши мумкин.