2023-йилнинг январ-май ойларида Ўзбекистонга хориждан 3,5 миллион долларлик музқаймоқ импорт қилинди, дея хабар бермоқда Статистика агентлиги. Ўтган йилнинг шу даврига нисбатан бу кўрсаткичлар 158 тоннага ошган. 

Шу муносабат билан савол туғилди: бу маҳсулот соғлиқ учун қанчалик зарарли ёки фойдали? 

Музқаймоқнинг фойдали хусусиятлари

Баъзилар учун музқаймоқ тетиклантирувчи десерт бўлса, бошқалар уни юқори калорияли ва соғлом овқатланиш учун мос эмас деб ҳисоблашади. Бироқ, музқаймоқ, бошқа кўплаб маҳсулотлар каби, фойдали ва зарарли ҳусусиятларга эга. 

Кальций манбаи. Шуни таъкидлаш керакки, музқаймоқ инсон танаси учун зарур бўлган макроэлементларни ўз ичига олган сутли маҳсулотдир. Кальций мушак-скелет тизимининг ривожланиши ва мустаҳкамланишида муҳим рол ўйнайди. Шунингдек, у юрак-қон томир тизимининг соғлиғига ижобий таъсир кўрсатадиган магний ва калийни ўз ичига олади. Табиий сут ёки қаймоқдан тайёрланган музқаймоқ ушбу маҳсулотларда мавжуд бўлган бир хил фойдали моддаларни ўз ичига олади.

Витаминлар манбаи. Музқаймоқ таркибида витаминлар мавжуд. Шуни таъкидлаш керакки, уларнинг сони ширинликнинг таркибига боғлиқ. Табиий мевалардан тайёрланган музқаймоқ A, C, Е витаминларига бой.

Стресс даражасини пасайтиради. Музқаймоқ психо-эмоционал стресс даражасини камайтиришга ёрдам беради. Бошқа ширинликлар сингари, музқаймоқ стрессни камайтирадиган эндорфин гормонини ишлаб чиқаришга ёрдам беради.

Овқат ҳазм қилишни нормаллаштиради. Мевали музқаймоқлар таркибида оз миқдорда клетчатка бўлади. Бу ичак моторикасига ижобий таъсир кўрсатиш учун етарли емас. Aммо, йогуртдан тайёрланган ширинлик ичак микрофлорасини нормаллаштиришга ёрдам беради ва соғлом одамнинг ошқозон-ичак трактига фойдали таъсир кўрсатади.

Музқаймоқнинг зарари

Музқаймоқнинг фойдали фазилатларига қарамай, бу ширинлик ҳамма учун эмас. Қуйидаги ҳолларда ушбу ширинликни истеъмол қилишни чеклаш тавсия этилади:

• ортиқча вазнга, семиришга мойиллик мавжуд бўлса;

• ошқозон-ичак тракти касалликларида, масалан, гастрит, панкреатит;

• музқаймоқ барча турдаги қандли диабетга чалинганлар учун тақиқланади;

• холестерин миқдори юқори даражада бўлганларга;

• гипертоник беморлар музқаймоқ таркибидаги ҳайвон ёғларини истеъмол қилишни чеклашлари керак.