Ҳиндистон Соғлиқни сақлаш ва оила фаровонлиги вазирлиги йўтал сиропларини таҳлил қилиш натижалари тўғрисида ҳисобот эълон қилди - жами 7000 дан ортиқ намуналар олинди ва ўрганилди. Улардан 335 таси соғлиқ учун хавфли - диэтиленгликол ва этиленгликол заҳарли моддалар топилган. Улар сифат стандартига жавоб бермаслиги аниқланди, деб ёзади The Economic Times газетаси.

Тадқиқотлар Гиёҳванд моддаларни назорат қилиш марказий ташкилоти томонидан ўтказилди.

Эслатиб ўтамиз: Ҳиндистон ҳукумати давлат лабораторияларига маҳаллий компаниялар томонидан экспортга мўлжалланган йўтал сироплари намуналарини синовдан ўтказишга бўйруқ чиқарган. Ушбу чора 2022 йилда бир нечта мамлакатларда - Гамбия, Ўзбекистон, Камерунда истеъмолчи-болалар ўртасида содир бўлган оммавий заҳарланишлар ва унинг ортидан келиб чиққан ўлим ҳолатлари боғлиқ.

Ҳиндистон Соғлиқни сақлаш вазирлигининг тушунтиришича, 2022-йил декабр ойидан буён 162 та дори ишлаб чиқарувчи заводда ўтказилган текширувда " олиб келинаётган хомашё синовдан ўтказилмагани” аниқланган. Ҳиндистондаги 8500 та кичик дори заводларининг чорак қисмидан камроғи Жаҳон соғлиқни сақлаш ташкилоти томонидан белгиланган халқаро дори ишлаб чиқариш стандартларига жавоб беради.