Трансфузион ёрдам тиббиётнинг қон йўқотиш билан боғлиқ соҳаларида - жарроҳлик, акушерлик ва гинекология, гематология ва фавқулодда вазиятларда энг зарур ёрдамдир.

Трансфузиологлар суяк илиги трансплантацияси учун гематопоэтик илдиз ҳужайраларини йиғади ва соғлом донорлар билан ишлайди.

Трансфузиолог Татяна Гапонованинг таъкидлашича, Россияда 2022-йилда деярли 1,4 миллион киши донор бўлган ва жами икки миллион литрдан ортиқ қон ва 970 тоннага яқин плазма тайёрланган. Доимий донорлар донорликдан сўнг ўзларини яхши ҳис қилишларини қайд этишади.

Биринчидан, улар муаммога дуч келган одамга ёрдам беришларини билишади. Иккинчидан, уларнинг қизил қон таначалари янгиланади, бу барча тўқималарда, шу жумладан мияда газ алмашинуви яхшиланганлиги туфайли енгил эйфория ва яхши кайфият ҳиссини келтириб чиқаради.