Қозонда сунъий интеллектга эга диагностика кресло маркази ташкил этилди. Ўқитиладиган сунъий интеллект билан жиҳозланган аппарат мажмуаси ишлаб чиқилган бўлиб, унда минглаб клиник маълумотлардан иборат кенг ахборот кутубхонаси мавжуд. Модел "Боқий умр капсуласи" деб номланган.

Татаристонлик олимлар ва шифокорлар инсон умрини 150 йилгача узайтира оладиган ақлли капсула курсисини (шахсий шифокор) яратдилар. Амотел24 ихтирочилари аллақачон патентни рўйхатдан ўтказиш учун ариза беришган ва дастлабки 3 та модел Дубайга экспорт қилинади.

Тизим нафақат босим, пульс, ҳарорат, кўз ичи босими, терининг ҳолати ва қондаги кислород миқдори, қанд миқдори, қон айланиш ва асаб тизимларининг ҳолатини диагностика қилади, шунингдек, олинган маълумотларнинг умумий таҳлилига асосланиб, у тананинг умумий ҳолатини, мавжуд оғишларни кўрсатади ва соғлом ҳаётни узайтириши мумкин бўлган касалликлар хавфини прогноз қилади.

Кресло-капсуланинг оғирлиги - 347 кг. Нархи 129 минг доллар.

"Боқий умр капсуласи" энг сўнгги ишланмалар ва замонавий технологиялар билан жиҳозланган: массаж курсиси, монитор, компьютер, VR -маска, микрофон, динамиклар, очиладиган кислород ниқоби, тери ҳолатини таҳлил қилувчи камера, юқори аниқликдаги нафас олиш частотаси ва чуқурлигини назорат қилувчи радарлар, гемоглобин қон даражасини таҳлил қилиш сенсори.

Капсуланинг асосий элементи - бу ўқитилган рақамли психолог-дўст. У одам қалбида қайнаётган ҳамма нарсани тинглайди, ёқимли мусиқани ёки видеони қўйиб беради, доимо тетиклантирувчи ва далда берувчи сўзларни тўғри топади ҳамда фойдали маслаҳатлар беради.

Ишлаб чиқувчиларнинг таъкидлашича, VR капсуласи фойдаланадиган нутқ анализаторига асосланган ҳолда, ҳар бир бемор учун шифокор, ишончли, дўст ва психологнинг визуализациясига айланадиган ўзига хос 3D аватар турини танлайди.