Каролинска университети (Швеция) олимлари инсон организмида C ва E витаминларининг кўп бўлиши ўпка саратони ривожланишини рағбатлантириши мумкинлигини аниқлади. Клиник текширувлар  The Journal of Clinical Investigation (JCI) журналида чоп этилган.

Тадқиқот муаллифлари антиоксидантларнинг кемирувчилар танасига таъсирини ўрганишди. Антиоксидантлар организмдаги оксидланиш жараёнларига қарши курашувчи молекулалардир. Маълумки, C ва E витаминлари бу моддаларнинг катта миқдорини ўз ичига олади.

Маълум бўлишича, уларнинг юқори миқдори янги қон томирлари, шу жумладан доимий қон таъминотига муҳтож бўлган ўсмаларнинг ўсишига сабаб бўлади. Бу ўз навбатида саратон ўсимталарини қондаги кислород билан озиқлантиради ва улар шишиб кета бошлайди.

Тадқиқотчилар сичқонлар устида яна бир нечта тажриба ўтказдилар, бу эса фақат натижаларни тасдиқлади. Маълумки, ўсмаларнинг ўсиш тезлиги антиоксидантлар дозасини ошириш билан тўғридан-тўғри боғлиқ. Мутахассисларнинг фикрича, бу витаминларни ортиқча истеъмол қилиш хавфини кўрсатади.