Чорак якунлари таҳлил қилинди
"Dori-Darmon" АК кузатув кенгаши раиси Фарход Абуталиев ҳамда Бошқарув раиси Мирзанозим Дусмуратов раҳбарлигида компания ва унинг таркибидаги жамиятлар раҳбарлари иштирокида 2025 йил 1-чорак якунларига бағишланган навбатдаги йиғилиш бўлиб ўтди.
Йиғилиш давомида ҳар бир жамият раҳбарининг йил бошидан буён амалга оширган ишлари, натижалар, муаммолар ҳақидаги ҳисоботи тингланди.
Аҳолини ижтимоий аҳамиятга эга дори воситалари билан ўз вақтида узлуксиз таъминлаш чораларини кўриш, ижтимоий дорихоналар, дорихона филиаллари, кўчма дорихона фаолияти самарадорлигини ошириш, товар айланмаси, дори воситалари ассортиментини ошириш, GPP сертификатини олиш жараёнларини тезлаштириш, мавжуд дорихона ва дорихона шохобчаларини реимбурсация дастурига улаш учун Давлат тиббий суғурта жамғармаси билан шартномалар тузиш каби масалалар атрофлича муҳокама қилинди.
Бундан ташқари ҳудудий жамиятларнинг “Дори-Дармон” АК олдидаги қарздорликларни бартараф этиш юзасидан кўрилаётган чора-тадбирлар ва амалга оширилаётган ишларнинг натижадорлиги таҳлил қилинди.
Ўзбекистон Республикаси Президентининг 2024 йил 5 сентябрдаги “Давлат тиббий суғурта механизмларини жорий этишга оид чора тадбирлар тўғрисида” ги Қарорига кўра, 2025 йил Қорақалпоғистон Республикаси, Навоий, Самарқанд, Бухоро, Хоразм, Қашқадарё вилоятларида давлат тиббий суғурта механизмларини жорий этиш белгиланган. Бу борада “Бухоро Дори-Дармон”, “Хоразм Дори-Дармон”, “Самарқанд Дори-Дармон” “Навоий Дори-Дармон” ҳамда "Қашқадарё Дори-Дармон" жамиятларида дорихона ва дорихона шохобчаларида реимбурсация дастурини ўрнатиш ишлари олиб борилаётганлиги қайд этилди.
Йиғилишда барча жамиятлар раҳбарларига дорихоналар учун GPP сертификатини олиш ишларини жадаллаштириш топшириғи берилди. Бундан ташқари соҳага оид бошқа муаммолар юзасида фикр алмашди, таклифлар ишлаб чиқилди.
