15:12 (04.07.2023)
2472
IT-визаси бор чет элликларга тиббий хизматлар Ўзбекистонликларга ўрнатилган нархларда кўрсатилади
Соғлиқни сақлаш вазирининг “Чет эл фуқаролари ва фуқаролиги бўлмаган шахсларга тиббий ёрдам кўрсатиш тартиби тўғрисидаги низомнинг 6-бандига қўшимча киритиш ҳақида”ги буйруғи қабул қилинди (рўйхат рақами 3355-1, 20.06.2023 йилда рўйхатдан ўтказилган).
Ҳужжатга мувофиқ, “IT-visa”га эга бўлган хорижий фуқаролар, шунингдек уларнинг оила аъзолари (турмуш ўртоғи, ота-онаси ва фарзандлари) тиббий хизматлар учун Ўзбекистон Республикаси фуқаролари учун белгиланган тарифлар бўйича ҳақ тўлаш ҳуқуқига эга.
Ҳужжат Қонун ҳужжатлари маълумотлари миллий базасида эълон қилинган ва 21.06.2023 йилдан кучга кирди.
