Олимлар рўза тутиш қондаги қанд миқдорини нормаллаштиришда самарали эканлигини аниқладилар
Америкалик олимлар вақти-вақти билан рўза тутиш қандли диабет билан оғриган одамларда вазн йўқотишда ва қондаги қанд миқдорини нормаллаштиришда самарали эканлигини аниқладилар. Тадқиқот JAMA Network Open журналида чоп этилди.
"Биз вақт билан чекланган овқатланиш диетага кўра самаралироқ муқобил эканлигини аниқладик. Вақти-вақти билан рўза тутиш диетага риоя қила олмайдиган ёки бундай турмуш тарзидан чарчаган одамлар учун мос келади. Бу жуда табиий: вақтни ўлчаш калорияларни ўлчашдан кўра осонроқдир "- деди профессор Криста Варади.
Профессор Варади ва унинг ҳамкасблари 2-тоифа қандли диабет ва семириб кетган 75 нафар бемор иштирокидаги клиник синовдан сўнг шундай хулосага келишди. Уларнинг барчаси ортиқча вазндан халос бўлишга, шунингдек, диеталар орқали қондаги қанд миқдорини камайтиришга ҳаракат қилишди.
Олимлар кўнгиллиларни икки гуруҳга бўлишди. Улардан бири кунлик рациондаги калория миқдорини чорак қисмга камайтирадиган парҳезга риоя қилишди. Иккинчи гуруҳ аъзолари бошқача ҳаракат қилишди: улар фақат маълум вақт -12 дан 20 соатгача оралиғида овқат истеъмол қилишди. Шифокорлар олти ой давомида кўнгиллиларнинг соғлиғидаги ўзгаришларни кузатди, шундан сўнг улар клиник синовлар натижалари жамланди.
Тадқиқот натижалари шуни кўрсатдики, рўза калорияли таомларни чеклашдан кўра сезиларли даражада самаралироқ. Бу ўртача, кўнгиллиларда вазнини 3,6% га камайтиришга имкон берди, бу паст калорияли диетадаги (1,8%) тажриба иштирокчилариникидан икки баравар кўпдир. Бундан ташқари, олимлар қон шакар даражаси билан боғлиқ гликатланган гемоглобин ва бошқа биомаркерлар концентрациясининг пасайишини қайд этдилар.
Тадқиқотчиларга кўра, рўза тутиш-маълум вақт оралиғида овқатланиш 2-тоифа диабетни даволашда анъанавий парҳезлардан кўра устун эканлигини кўрсатади. Олимлар кўпроқ кўнгиллилар иштирокидаги кейинги клиник синовларни ўтказади, улар кейинги синов натижалари диабетни даволашда ушбу ёндашувдан кенгроқ фойдаланишга йўл очади, деб умид қилмоқда.
- 16 Ноябрь, 14:50
-
Батафсил
