Таркибида спирт бўлган дори воситаларини қабул қилиш - йўтал сироплари, седативлар ва микробларга қарши воситалар - қондаги этанол концентрациясининг ошишига олиб келиши мумкин. Таркибида спирт мавжуд бўлган энг кенг тарқалган дорилар орасида валериан, пустирник ва эхинацея дамламаси бор.

Оғриқ қолдирувчи воситалар

Оғриқ қолдирувчи воситалар, ҳатто рецептсиз сотиладиганлар ва уларнинг таркибий қисмлари ҳам диққат ва консентрацияга таъсир қилиши мумкин. Масалан, таркибида асетилсалицил кислотаси мавжуд дорилар, хусусан Aспирин, Цитрамон.
Кодеинни ўз ичига олган аналгетикларни қабул қилишда ҳам эҳтиёт бўлиш керак. Улар реакция тезлигини пасайтиради.

Нервларни даволаш учун дорилар

Aнтидепрессантлар, нейролептиклар, антипсикотиклар ва уйқу таблеткалари уйқуни нормаллаштириш, тинслантиши ва ҳиссий стрессни бартараф этиш учун буюрилади. Ушбу дориларнинг ён таъсири доираси жуда кенг - улар орасида летаргия, уйқучанлик, диққатнинг заифлашиши, мушаклар ҳаракатининг пасайиши ва ҳатто галлюцинациялар мавжуд.

Кўз томчилари

Офталмологлар томонидан текшириш учун ишлатиладиган атропин томчилари қорачиқларнинг кенгайишига олиб келади, бу эса кўришга таъсир қилади. Шифокорлар бундай томчилардан кейин ҳайдовчиларга бир кун машина ҳайдамасликни тавсия қиладилар.

Аллергияга қарши препаратлар

Aллергияга қарши дорилар, ёки антигистаминлардан фойдаланиш кўпинча уйқучанлик билан бирга келади, бу эса машина ҳайдашни қийинлаштиради.

Йўтал ва шамоллашга қарши дорилар

Одатда бир вақтнинг ўзида бир нечта аломатлар билан курашиш ва шамоллашнинг ҳолатини яхшилаш мумкин бўлган фаол моддалар комбинациясини ўз ичига олган пакетларни қабул қилишда ҳам эҳтиёт бўлиш керак. Энг кенг тарқалган компонентлар фенирамин, фенилефрин, хлорфенамин бўлиб, улардан фойдаланиш уйқучанликка олиб келиши мумкин.

Ошқозон-ичак тизими дорилари

Овқат ҳазм қилиш муаммолари учун буюрилган дорилар асаб тизимининг фаолиятини "секинлаштириши" мумкин. Бундай ножўя таъсирлар кўпинча лоперамид ва метоклопрамидга асосланган диарея ва қусишга қарши дори-дармонларни қабул қилишда юзага келади.

Шунингдек, таркибида фенилефрин моддасини сақловчи томчи ва спрейлар.

Бу дорилар қабул қилингач, камида 12 соат ўтгач, машина бошқариш мумкин.