Ҳар бир дори воситаси хам даво, хам захар бўлиши мумкинлиги барчага маълум. Тасодифан дорини заҳарга айлантирмаслик учун уларни тўғри дозалашни билишимиз керак.

Бир марталик доза - бу бир вақтнинг ўзида ошиб кетиши тавсия этилмайдиган дори миқдори. Шифокорнинг тавсиясига кўра битта доза кунига бир неча маротаба қабул қилиниши мумкин.

Максимал суткалик доза 24 соат ичида препаратнинг рухсат етилган максимал миқдоридир. Шуни эсда тутиш керакки, баъзи дорилар бир вақтнинг ўзида бир нечта фаол моддаларни ўз ичига олади. Aгар сиз икки ёки ундан ортиқ дори-дармонларни қабул қилсангиз, умумий қийматни ҳисобга олишингиз керак.

Мисол учун, асетилсалицил кислотаси ҳам кардиопрепаратларда, ҳам шамоллашга қарши комплексларда мавжуд. Иккаласини ҳам қабул қилганда, уларнинг жами максимал суткалик дозаси 3 граммдан ошмаётганлигига ишонч ҳосил қилинг. 

Заҳарли доза - бу модданинг танадаги салбий ўзгаришларни келтириб чиқарадиган  миқдори. 

Терапевтик доза – касалликни даволайдиган дори миқдори. У ҳам минимал ёки максимал бўлиши мумкин. 

Таъминот дозаси - мунтазам равишда қабул қилинганда таъсир кўрсатадиган препаратнинг минимал дозаси. Шифокор терапевтик дозасидан натижани кўргандан сўнг, у доимий равишда таъминот дозасини қабул қилишни таклиф қилади.