Наъматак ёғи ушбу ўсимликнинг уруғидан олинади. У витаминларга бой бўлиб, улар орасида В гуруҳи витаминлари, C, Е, Р витаминлари ва бетакаротен мавжуд. Бундан ташқари, наъматак ёғида тўйинмаган ва тўйинган ёғ кислоталари, токофероллар, каротеноидлар ва бошқалар бор.

 Препаратнинг фойдаси жуда катта. Наъматак ёғи танадаги тўқималарни тиклашга ва организмда гормонлар ишлаб чиқаришга ёрдам беради, метаболизмни фаоллаштиради, яллиғланишга қарши самарали ҳамда умумий тикловчи таъсирга эга, қон томирларининг ўтказувчанлигини пасайтиради.

Қабул қилинади:

- организмда C ва Р витаминлари етишмаслигида;

- стоматит ва гингивитда;

- терининг шикастланиши: ётоқ яралари, куйишлар, трофик яраларда;

- дерматозларда;

- сафро ҳайдовчи восита сифатида;

- ярали колитда.

 Косметологияда наъматак ёғининг машҳурлигини алоҳида таъкидлаш керак. У терининг ҳолатига жуда ижобий таъсир қилади: қариш белгиларига қарши курашади, ажинлар ва ёш доғларини йўқотади, тери осилиши белгилари пайдо бўлишининг олдини олади. Қон томирларига таъсири туфайли маҳсулот тери ва соч ҳужайраларини озиқ моддалар билан тўйинтиради, намлайди, тери ва сочни соғломлаштиради.

 Клизма шаклида наъматак мойи колитда, организмда эса холециститда қўлланилади.

 Қўллаш мумкин бўлмаган ҳолатлар

- препаратга индивидуал сезувчанлик;

- ўт тош касалликларида.