Мичиган жамоат саломатлиги университети ва Чад Карр болалар мия шиши маркази олимлари саратонга қарши янги ONC201 препарати агрессив мия шиши бўлган болаларнинг омон қолиш даражасини деярли икки баравар ошириши мумкинлигини аниқладилар. Уларнинг илмий ишлари Cancer Discovery (CD) журналида чоп этилган.

Препарат H3 K27M мутациясига эга диффуз медиан глиомали болаларда синовдан ўтказилди. 71 бемор иккита клиник синовда иштирок этди. Беморларнинг деярли учдан бир қисми 2 йилдан кўпроқ умр кўрди, уларнинг қолган умри 11-15 ой эканлиги айтилганди.

Кўпинча диффуз ўрта чизиқли глиомалар болалар ва ёшларда учрайди. Кимёвий усул билан даволаш ягона даволаш усулидир, лекин у ҳар доим ҳам самарали эмас, чунки у миянинг муҳим функциялари бўлган ҳудудларига зарар этказиши мумкин. Олимларнинг таъкидлашича, ONC201 препарати ўсимта ҳужайраларига кириб, уларнинг митохондрияларига, ҳужайра энергиясини ишлаб чиқариш учун масъул бўлган тузилмаларга таъсир кўрсатди.

Натижа: Беморларда саратон ҳужайралари томонидан ажратилган L-2HG миқдори кўпайган, бу уларнинг бўлинишини секинлаштирган. Бошқача қилиб айтганда, препарат аслида H3K27M мутациясининг таъсирига қарши чиқди.

“Бу даволаш ниҳоятда қийин бўлган ўсимта. Бу ўсимтани даволаш учун 250 дан ортиқ клиник синовлар ўтказилган, аммо натижаларни яхшилай олмаган ", дейди тиббиёт фанлари доктори, болалар нейро-онкологияси доценти ва Чад Cарр болалар мия шиши марказининг клиник илмий директори Карл Кошманн.