Россия Федерацияси ҳукумати соғлиқни сақлаш ва дори воситаларининг муомаласи соҳасида рухсат бериш режимларининг хусусиятларини тасдиқлади.

Энди шифохоналарнинг алоҳида бўлимлари – амбулаториялар, фельдшерлик ва фельдшерлик-акушерлик пунктлари, умумий тиббий амалиёт бўлимларида ишлайдиган шифокорлар қишлоқ аҳоли пунктларида фармацевтика фаолиятини амалга оширишлари мумкин. Шифохона фармацевтика фаолияти билан шуғулланиш учун лицензияга эга бўлиши керак. Бу енгиллик дорихоналар бўлмаган қишлоқ жойларига тааллуқлидир.

Бундан ташқари, алоҳида бўлинмалари бўлган ташкилотларнинг тиббий фаолиятини лицензиялашда лицензия талабгори дори воситаларининг чакана савдоси, тарқатилиши ва сақланиши бўйича бажарилган ишларни кўрсатган ҳолда фармацевтика фаолиятини амалга ошириш мақсадида лицензия олиш учун ариза бериш ҳуқуқига эга. Бундай фаолият ташкилотнинг алоҳида бўлинмалари томонидан, ариза берувчининг фармацевтика фаолиятини лицензиялаш талабларига мувофиқлигини тасдиқловчи ҳужжатлар илова қилинмаган ҳолда амалга оширилиши керак.

Шунингдек, ҳужжатда Соғлиқни сақлаш вазирлиги ходимнинг тиббий ёки фармацевтика фаолиятига мутахассислик гувоҳномаси ёки аккредитациядан ўтмасдан қабул қилиниши мумкин бўлган ҳолатлар ва шартларни аниқлаш ҳуқуқига эга эканлиги қайд этилган.