Гарри Перкинс институти ва Ғарбий Австралия университети олимлари асал ари заҳари таркибидаги мелиттин пептид саратон ҳужайраларини йўқ қилиши мумкинлигини аниқлади. Тадқиқот натижалари NPJ Nature Precision Oncology журналида чоп этилди.

Олимлар Перт (Ғарбий Австралия), Ирландия ва Англиядан келтирилган 312 асал асалари ва ариларнинг заҳарини ўрганиш чоғида мелиттиннинг ноёб антиканцероген хусусиятларини аниқлади. Ушбу пептид кўкрак саратони билан касалланган сичқонларга юборилгандан сўнг тадқиқотчилар унинг жуда кучли эканлигини аниқлади — мелиттин саратон ҳужайралари мембраналарини атиги 60 дақиқада йўқ қилишга қодир.

Тадқиқотчилар, шунингдек, мелиттин кичик молекулалар ёки досетаксел каби кимётерапия препаратлари билан биргаликда кўкрак саратонининг хавфли шаклларини даволашда самарали бўлиши мумкинлигини ақайд этмоқда. Сичқонлар устида ўтказилган тажрибалар шуни кўрсатдики, мелиттин ва досетаксел комбинацияси ўсимта ўсишини сезиларли даражада секинлаштирган.