“2022–2026 йилларда республиканинг фармацевтика тармоғини жадал ривожлантиришга оид қўшимча чора-тадбирлар тўғрисида” Президент фармони (ПФ-168, 12.10.2023 й.) қабул қилинди.

Унга кўра,  2024 йил 1 январдан фармацевтика маҳсулотлари харидларига ажратилиши режалаштирилган Давлат бюджети маблағлари миқдори доирасида маҳаллийлаштириладиган фармацевтика маҳсулотларини ижобий клиник синовлар натижалари, давлат рўйхатидан ўтказиш ҳамда сертификатлаш жараёнлари асосида 10 йилгача бўлган муддатга шартнома тузиш орқали кафолатли харид қилиш механизми жорий этилади.

Шунингдек, ПФ-55-сон Фармони 4-иловаси -Фармацевтика саноатини ривожлантириш бўйича Комиссия таркибига ҳам ўзгартиришлар киритилди. Комиссия таркибида "Дори-Дармон" акциядорлик компанияси Бошқарув раиси Умида Салихбаева ҳам бор.