Tamaki sotishni taqiqlash qancha odamning umrini saqlab qoladi?
Olimlarning hisob-kitoblariga ko‘ra, agar yoshlarga tamaki sotish taqiqlanadigan bo‘lsa 2,95 million o‘pka saratoni holatidan 1,1 million odamni (40,2 foiz) saqlab qolish mumkin.
Santyago-de-Kompostela universiteti hamda Saratonni o‘rganish xalqaro agentligi ma’lumotiga ko‘ra, tamaki mahsulotlari sotilishining taqiqlanishi dunyo bo‘yicha bir milliondan ortiq insonning umrini saqlab qoladi. Tadqiqot natijalari The Lancet Public Health jurnalida e’lon qilindi.
Olimlar tuzgan ssenariyga ko‘ra, tamaki sotuvi 2006-yil 1-yanvaridan 2010-yil 31-dekabrigacha oraliqda tug‘ilganlar uchun taqiqlanadi. Ular shu mezonda 185 mamlakatda tamakisiz avlodning saratondan o‘lim xavfiga ta’sirini o‘rganishdi. Tamakisiz avlod dasturi dunyo miqyosida amalga oshsa o‘pka saratonidan o‘limlarning 1,1 milliontasi yoki 40,2 foizining oldi olinadi.
Saraton kasalliklari orasida keng tarqalishi bo‘yicha o‘pka saratoni ikkinchi o‘rinda, o‘lim holatlari bo‘yicha birinchi o‘rinda turadi. Har yili o‘pka saratoni 1,8 millionga yaqin insonning o‘limiga sabab bo‘lyapti. Bu kasallikka yo‘liqishning bosh omili — tamaki chekish.
- 8 Oktyabr, 08:43
-
Batafsil
