Havodagi karbonat angidridning yuqori miqdori viruslarning faolligini oshirdi
Buyuk Britaniyaning Bristol universiteti olimlari birinchi marta karbonat angidrid chiqindilari va viruslar tarqalishi oʻrtasidagi bogʻliqlikni aniqlashdi. Tadqiqot shuni koʻrsatdiki, CO2 ning yuqori miqdori viruslarni yanada faollashtiradi.
Olimlar havo kamerasidagi karbonat angidrid konsentratsiyasini millionda 400 qismdan (ppm) 6500 qismgacha oʻzgartirdilar. Shu bilan birga, ular ushbu muhitda havodagi viruslarning xatti-harakatlarini kuzatdilar. Natijalar shuni koʻrsatdiki, CO2 miqdori ortib borishi bilan viruslar uzoq vaqt yuqumli boʻlib qoladi. Bu pandemiyani keltirib chiqargan SARS-CoV-2 virusiga ham tegishli.
Shunday qilib, 800 ppm darajasi virusning havoga chidamliligi oshishiga olib keldi. Kamerada 3000 ppm darajasida (bu odamlar bilan gavjum xonada kuzatiladi) toza havoga qaraganda 10 baravar koʻproq viruslar qoldi. Olimlarning taʼkidlashicha, xonani muntazam shamollatish juda samarali, chunki toza havo taʼsirida viruslar tezroq faolligi yoʻqoladi.
Olimlar, shuningdek, Yer atmosferasidagi karbonat angidrid miqdori tez surʼatlar bilan oʻsib borayotganini eslatishdi. Prognozlarga koʻra, asr oxiriga kelib u 700 ppm ga yetishi mumkin. Bu nafaqat atrof-muhitga, balki kelajakdagi pandemiya ehtimoliga ham taʼsir qiladi.
