2024 yilda poytaxtimizda davlat tibbiy sugʼurta mexanizmlari joriy etiladi. Eʼtiborlisi, bu aholi tomonidan toʼlanayotgan umumiy soliqlar hisobidan boʼladi va odamlardan qoʼshimcha badallar undirilmaydi. 

Tibbiy sugʼurta doirasida:

- davlat tomonidan aholiga bepul koʼrsatiladigan tibbiy xizmatlar va dori vositalarining kafolatlangan paketi joriy etiladi;

- bemorlarni oʼzlari biriktirilgan oilaviy shifokorlar orqali tor soha mutaxassislariga yoki shifoxonalarga yoʼllash tizimi tashkil qilinadi. Bunda ushbu tartibga rioya qilingan holdagina bepul tibbiy xizmatlar koʼrsatiladi;

- aholiga kafolatlangan paket doirasida eng koʼp uchraydigan kasalliklar boʼyicha dori vositalari elektron retsept asosida dorixonalar orqali bepul beriladi.