Millionlab odamlarning Novo Nordisk va Eli Lillyning vazn yoʼqotadigan dorilariga ega boʼlish istagi, ularning koʼlamining kengayishi va potentsial raqobat mutaxassislarini 2030-yillarning boshiga kelib ushbu dorilarning global savdosi boʼyicha oʼz prognozlarini 150 milliard dollarga oshirishga majbur qilmoqda. Bir yil oldin, maksimal baho 100 milliard dollar oraligʼida edi.

IQVIAning soʼnggi besh yillik prognoziga koʼra, oʼtgan yili semizlikka qarshi dori vositalariga global xarajatlar 24 milliard dollarni tashkil etdi, 2028-yilga borib esa 131 milliard dollargacha koʼtariladi.

Bu avvalgi 13% ga nisbatan 27% yillik oʼsishdir. Agar sugʼurta qoplamasi kengaytirilmasa, IQVIA hisob-kitoblariga koʼra, 2028 yilda ozdiruvchi dorilarga global xarajatlar 39 mlrd. dollardan 74 mlrd dollargachani tashkil qiladi.

Aksariyat sugʼurta kompaniyalari yangi dorilarni sotib olish xarajatlarini qoplamasa-da, juda koʼp odamlar ushbu dorilarni mustaqil ravishda sotib olishga tayyor, deb taʼkidlaydi IQVIA ekspertlari.

2028-yilga borib ozdiruvchi dorilar bozori 131 milliard dollarga yetishi bir qancha omillarga, jumladan, bemorlarning ushbu dori-darmonlarni qancha vaqt qabul qilishi, boshqa kasalliklarni davolashda qoʼllanilishi va hokazolarga bogʼliq boʼladi.

BMO Capital Markets hisob-kitoblariga koʼra, vazn yoʼqotadigan dori-darmonlarning yillik savdosi 2033 yilga kelib 150 milliard dollarga etadi. Tahlilchilar mustaqil qoʼllaniladigan dorilar yurak xuruji va insulьt kabi sogʼliq uchun yuk boʼlgan kasalliklarning oldini olishga, shuningdek, uyqu apnesi kabi surunkali kasalliklarga yordam berishini koʼrsatadigan soʼnggi maʼlumotlarga ishora qilmoqda, bu esa sugʼurta kompaniyalarining ushbu dori-darmonlar xarajatlarini toʼliq toʼlashi zarurligini tasdiqlaydi. Tibbiyot kompaniyalari va investorlarga moliyaviy xizmatlar koʼrsatuvchi Leerink Partners investitsiya banki 2032 yilga kelib yillik savdo hajmi 158 milliard dollarni tashkil etishini taxmin qilmoqda.

Dunyo boʼylab bir milliardga yaqin odam semizlikdan aziyat chekadi. Bu raqamlar esa shubhasiz, ozdiruvchi dorilar bozori katta ekanligini koʼrsatadi. Qoʼshma Shtatlarda oyiga 1000 dollardan oshiqroq boʼlgan yangi dori vositalarining sotuvi allaqachon Novo Nordisk va Eli Lillyni dunyodagi eng qimmat kompaniyalar qatoriga kiritdi.

Eli Lilly aksiyalari bu yil 36 foizdan oshdi, Novo Nordisk aksiyalari esa deyarli 32 foizga oshdi. Shu bilan birga, Eli Lilly va Novo Nordisk yangi avlod dori vositalarini ishlab chiqmoqda.