Hospira kompaniyasi shpritslar bilan bog'liq muammolar tufayli o'zining inyektsion dori-darmonlarini 5 ta partiyasini qaytarib olishini e'lon qildi. 

Gap 2023-yil sentabridan 2024-yil apreligacha butun Qoʻshma Shtatlar boʻylab tibbiyot xodimlari va farmatsevtika distribyutorlariga tarqatilgan buprenorfin gidroxlorid analgetiki (ikki partiya) va gipertenziyaga qarshi labetalol gidroxlorid dorisi (uch partiya) haqida ketmoqda. Birinchi mahsulotning amal qilish muddati shu yilning sentyabr va oktyabr oylarida, ikkinchisining muddati 2025 yilda tugaydi. 

Ikkala dori ham Pfizerning Carpuject injektor shprislarida taqdim etiladi. Garchi kompaniya qaytarib olingan partiyalar bilan bogʻliq nojoʻya taʼsirlar haqida hali maʼlumot olmagan boʻlsa-da, ularni sotishni toʻxtatishga qaror qildi.

Pfizer, FDAga eʼlon qilgan bayonotida, mijozning mahsulot oqib ketganligi haqidagi shikoyatidan keyin xavotir paydo boʻlganligini aytdi. Kompaniya potensial nuqsonli mahsulotlarni qaytarib olmoqda va ushbu preparatning zaxiralari boʻlganlarga uni tarqatish va ishlatishni toʻxtatishni maslahat bermoqda.