Sogʼliqni saqlash vazirining buyrugʼi bilan Farmakologik vositalarning yoki dori vositalarining klinik tadqiqotlarini oʼtkazish tartibi toʼgʼrisida nizom tasdiqlandi (roʼyxat raqami 3439, 05.06.2023 y.).

Barcha yangi dori vositalari klinik tadqiqotlarning ijobiy natijasi asosida davlat roʼyxatidan oʼtkaziladi, bundan roʼyxatda belgilangan dori vositalari mustasno (26.10.2023 yildagi PQ-411-son qaror).

Tasdiqlangan Farmakologik vositalarning yoki dori vositalarining klinik tadqiqotlarini oʼtkazish tartibi toʼgʼrisida nizom quyidagilarni belgilaydi:

• klinik tadqiqotlarni oʼtkazishga ruxsatnoma olish tartib-taomili;
• klinik bazada dori vositalarini sinovdan oʼtkazish normalari;
• klinik tadqiqotlarni oʼtkazish jarayonida tomonlarning huquqlari va majburiyatlari;
• klinik tadqiqotlar jarayonida mansabdor shaxslarning harakatlari (harakatsizligi) ustidan shikoyat qilish va uni koʼrib chiqish.

Sogʼliqni saqlash vazirligining 05.06.2023 yildagi 3440-son buyrugʼi bilan 2025 yil 1 yanvargacha boʼlgan muddatda davlat roʼyxatidan oʼtkazmasdan, majburiy sertifikatlash sharti bilan tibbiyot amaliyotida qoʼllash va olib kirishga ruxsat beriladigan, Oʼzbekiston Respublikasida davlat roʼyxatidan oʼtkazilgan analoglari mavjud boʼlmagan dori vositalari va tibbiy buyumlar roʼyxati tasdiqlangan.

Roʼyxat 29 ta dori vositalari nomi va 90 ta tibbiy buyumlardan iborat.

Hujjatlar Qonun hujjatlari maʼlumotlari milliy bazasida eʼlon qilingan va 05.06.2023 yildan kuchga kirdi.